Astrologer Venuswami : భవిష్యత్తులో రాజకీయ జాతకం చెప్పను: ప్రముఖ జ్యోతిష్యుడు వేణుస్వామి

Astrologer Venuswami

Astrologer Venuswami : ఏపీలో ఎన్డీయే కూటమి భారీ విజయం దిశగా దూసుకుపోతోంది. దీంతో ప్రముఖ జ్యోతిష్యుడు వేణు స్వామి వీడియో సందేశం ద్వారా తన తప్పును ఒప్పుకున్నారు. ‘‘దేశవ్యాప్తంగా జరిగిన ఎన్నికల్లో నరేంద్ర మోదీ ప్రభావం తగ్గుతుందని, అలాగే, ఏపీ అసెంబ్లీ ఎన్నికల్లో జగన్ మరోసారి సీఎం అవుతారని చెప్పాను. నేను చెప్పిన దాంట్లో మోదీ ఆధిపత్యం దక్కించుకున్నారు. కానీ, ఏపీలో జగన్ పార్టీ ఓడిపోయింది. అందులో ఒకటి నిజమైంది. మరొకటి తప్పు అయింది. వంద శాతం నేను తప్పుగా చెప్పినట్లు ఒప్పుకుంటున్నాను.

నేను చెప్పిన ప్రిడిక్షన్ తప్పుగా వచ్చింది, అందుకు నేను క్షమాపణలు చెప్తున్నాను. నాకు ఉన్న విద్యను అనురించి, జాతకాల ఫలితంగా రాశుల ఫలితంగా మాత్రమే ప్రిడిక్షన్ చెప్తాను. అంతేకానీ, నేను వ్యక్తిగతంగా జాతకం చెప్పలేదు. గత కొన్ని రోజులుగా నన్ను కొంతమంది టార్గెట్ చేసుకొని సోషల్ మీడియాలో ట్రోల్ చేస్తున్నారు. నాకు అండగా నిలిచినవారికి ధన్యవాదాలు. ఏపీలో గెలిచిన చంద్రబాబుకు శుభాకాంక్షలు’’.

కాగా, ఏపీ అసెంబ్లీ ఎన్నికల ఫలితాల కౌంటింగ్ ఎన్డీయే కూటమి దాదాపు 160 స్థానాలకు పైగా ఆధిక్యంలో కొనసాగుతోంది. లోక్ సభ ఎన్నికల ఫలితాల్లోనూ కూటమి 21 స్థానాల్లో ముందంజలో ఉంది.