Gangavva : గంగవ్వ ఎంట్రీ తో బిగ్ బాస్ హౌస్ లో ఫుల్ జోష్

Gangavva : బిగ్ బాస్ లోకి రీ ఎంట్రీ ఇచ్చిన గంగవ్వ మొదటి టాస్క్ లోనే అదరగొట్టింది. యంగ్ కంటెస్టెంట్స్ విష్ణు ప్రియ, సీతను ఓడించి సత్తా ఏంటో నిరూపించింది. 60 సంవత్సరాలు పైబడిన బడిన గంగవ్వ అసలు టాస్కులు ఏవి ఆడదు కేవలం ఎంటర్టైన్మెంట్ కోసమే ఆమెని హౌస్ లోకి తెచ్చారు అని అపవాదు మొదటి రోజే చెరిపేసుకుంది.

మొదటి టాస్క్ లోనే గంగవ్వ విష్ణు ప్రియ ని ఓడించడంతో అందరూ నోరెళ్ళబెట్టారు. గంగవ్వ ఈసారి పక్కా ప్లాన్ తో బిగ్ బాస్ లో అడుగుపెట్టినట్లు ప్రచారం జరుగుతుంది. బిగ్ బాస్ సీజన్ 8 లో అన్లిమిటెడ్ ఎంటర్టైన్మెంట్ ఇవ్వడానికి సరికొత్తగా ప్రయత్నాలు చేస్తున్నాడు. గతంలో పాల్గొన్న 8 మంది కంటెస్టెంట్లను సీజన్ 8 లో తీసుకున్నాడు. గంగవ్వ కూడా సీజన్ ఫోర్ లో అడుగుపెట్టిన విషయం తెలిసిందే. అప్పుడు గంగవ్వ 20, 30 రోజుల వరకు ఉంది. కానీ ఆమెకు ఏసీ పడక జ్వరం రావడంతో తీవ్ర ఇబ్బందులు పడి హౌస్ నుంచి బయటకు వచ్చింది.

ఆ సమయంలో గంగవ్వ బాగానే పాపులారిటీ సంపాదించుకుంది. గంగవ్వకు నాగార్జున కూడా ఆర్థిక సాయం చేశాడు. దీంతో గంగవ్వ ఇల్లు కట్టుకుంది . తాజాగా జరిగిన ప్రోమోలో గంగవ్వ
సైతం నాగార్జున చేసిన సాయాన్ని ప్రకటించింది.  నాగార్జున తనకు ఏడు లక్షలు సాయం చేశాడని ఆయన మేలుని ఎప్పటికీ మర్చిపోలేనని పేర్కొంది. అదేవిధంగా బిగ్ బాస్ లో కూడా అనేక డబ్బులు వచ్చాయని దీంతో తన ఇల్లు పూర్తయిందని అప్పులు తీర్చుకున్నాను అని చెప్పారు.

గంగవ్వ ఈ సీజన్లో ఎలాగైనా మెరుగు గా ఆడాలని ప్రయత్నం చేయనుంది. ఈ సీజన్ లో పాత కంటెస్టెంట్లు ఉండడంతో టఫ్ ఫైట్ తప్పదని అనుకుంటున్నారు. హరితేజ, అవినాష్ , రోహిణి అందరూ ఉండడంతో కచ్చితంగా ఎంటర్టైన్మెంట్ వస్తుందని అనుకుంటున్నారు.