Guess the Hero : సైడ్ రోల్స్ నుంచి మెయిన్ హీరో దాకా… గుర్తు పట్టారా?
Guess the Hero
Guess the Hero : ఈ ఫొటోలో స్టైల్ గా నిల్చున్న ఈ చిన్నోడు ఇప్పుడొక హీరో. మినిమం గ్యారంటీ హీరోగా పేరు తెచ్చుకున్నాడు. మరో రెండు హిట్లు కొడితే స్టార్ స్టేటస్ ట్యాగ్ ఖాయం. కథా బలం ఉన్న సినిమాలతో దూసుకుపోతున్నాడు. వైవిధ్యానికి పెద్ద పీట వేస్తున్నాడు. ఇక నటనలోనూ తిరుగులేదు. ఏ తరహ క్యారెక్టర్ అయినా ఈజీగా చేసేస్తున్నాడు. చిన్న సినిమాలకు పెద్ద హీరోగా మారాడు. చిన్న సినిమాలతోనే హ్యాట్రిక్ హిట్లు కొట్టి పెట్టిన పెట్టుబడికి మూడింతలు వసూలు చేశాడు. ఇంతకీ ఈ హీరో ఎవరనుకుంటున్నారా? ‘కలర్ ఫొటో’తో హీరోగా పరిచయమై ఇటీవల హిట్టయిన ప్రసన్నవదనం హీరో సుహాస్.
షార్ట్ ఫిల్మ్స్ తో సుహాస్ తన కెరీర్ ప్రారంభించాడు. 2018లో విడుదలైన పడి పడి లేచే మనసు సినిమాతో సినీ రంగంలోకి ఎంట్రీ ఇచ్చాడు. మజిలీ, డియర్ కామ్రేడ్, ఏజెంట్ సాయి శ్రీనివాస ఆత్రేయ, ప్రతిరోజు పండగే, ఉమామహేశ్వర ఉగ్ర రూపస్య తదితర సినిమాల్లో సహాయ పాత్రల్లో కనిపించి క్లిక్ అయ్యాడు. ఆ తర్వాత కలర్ ఫొటో సినిమాతో హీరోగా మారాడు. ఇందులో అమాయకపు కుర్రాడిగా నటించి ప్రశంసలు అందుకున్నాడు. ఇక ఈ సినిమాకు జాతీయ అవార్డు సైతం వచ్చింది. ఫ్యామిలీ డ్రామా, హిట్ 2 సినిమాల్లో సైకో కిల్లర్ గా నటించి ఔరా అనిపించాడు. రైటర్ పద్మ భూషణ్, అంబాజీ పేట మ్యారేజీ బ్యాండ్, శ్రీరంగ నీతులు, ప్రసన్నవదనం సినిమాలతో వరుస హిట్లతో దూసుకుపోతున్నాడు. ప్రస్తుతం సుహాస్ ఆనంద్ రావ్ అడ్వెంచెర్స్, కేబుల్ రెడ్డి సినిమాల్లో హీరోగా నటిస్తున్నాడు. మరికొన్ని సినిమాలు లైన్ లో ఉన్నాయి.
స్టార్ హీరోల నుంచి ప్రశంసలు
సుహాస్ తన నటనతో ప్రేక్షకులనే కాదు.. స్టార్ హీరోల ప్రశంసలు అందుకుంటన్నాడు. ఇటీవల విడుదలైన ప్రసన్నవదనం ప్రీ రిలీజ్ ఫంక్షన్ లో మెగాస్టార్ చిరంజీవి ప్రత్యేకంగా అభినందించి ప్రశంసించారు. ఇక డైరెక్టర్ సుకుమార్ మెచ్చుకోలేక ఉండలేకపోయారు. పుష్ప సినిమాలో కేశవ క్యారెక్టర్ కు సుహాస్ ను తీసుకుందామనుకున్నామని చెప్పాడు.