Free Alcohol
Free Alcohol : కర్ణాటకలో బీజేపీ ఎంపీ మద్దతుదారులు ఏర్పాటు చేసిన కార్యక్రమంలో ఉచితంగా మద్యం పంపిణీ చేయడంతో జనం క్యూకట్టారు. ఈ కార్యక్రమం చర్చనీయాంశమైంది. దీనికి భారీ సంఖ్యలో మందు ప్రియులు క్యూకట్టగా పోలీసులు బందోబస్తు నిర్వహించారు. ఈ నేపథ్యంలో బీజేపీపై తీవ్ర విమర్శలు చేసిన డిప్యూటీ సీఎం డీకే శివకుమార్, ఈ వ్యవహారంపై ఆ పార్టీ జాతీయ అధ్యక్షుడు క్లారిటీ ఇవ్వాలని డిమాండ్ చేశారు.
కర్ణాటక మాజీమంత్రి బీజేపీ నేత కె.సుధాకర్ ఇటీవల లోక్ సభ ఎన్నికల్లో చిక్కబళ్లాపుర్ నుంచి విజయం సాధించారు. ఈ సందర్భంగా స్థానికంగా కృతజ్ఞత కార్యక్రమం ఏర్పాటు చేసిన ఆయన మద్దతుదారులు ఉచితంగా మద్యం పంపిణీ చేశారు. దీంతో జనం ఎగబడి క్యూ కట్టగా పోలీసులు పర్యవేక్షించారు. ఈ కార్యక్రమానికి బందోబస్తు నిర్వహించాలని ఎంపీ సుధాకర్ స్థానిక పోలీసులకు విజ్ఞప్తి చేసినట్లు సమాచారం.