Mopidevi Venkataramana : టీడీపీలో చేరిన మాజీ ఎంపీలు మోపిదేవి వెంకటరమణ, బీదా మస్తాన్ రావు

Mopidevi Venkataramana : ఇటీవల వైసీపీకి రాజీనామా చేసిన మాజీ ఎంపీలు మోపిదేవి వెంకటరమణ, బీదా మస్తాన్ రావు టీడీపీలో చేరారు. ఉండవల్లి నివాసంలో సీఎం, టీడీపీ అధినేత చంద్రబాబు సమక్షంలో మోపిదేవి, మస్తాన్ రావు టీడీపీ తీర్థం పుచ్చుకున్నారు. ఈ సందర్భంగా మోపిదేవి, మస్తాన్ రావుకు టీడీపీ కండువాలు కప్పి చంద్రబాబు వారిని సాదరంగా ఆహ్వానించారు. ఈ కార్యక్రమంలోపలువురు మంత్రులు, ఎంపీలు, టీడీపీ నేతలు పాల్గొన్నారు.

ఆగస్టులో ఎంపీలు మోపిదేవి వెంకటరమణ, బీద మస్తాన్ రావు తమ పదవులకు రాజీనామా చేయగా.. వారి రాజీనామాలను రాజ్యసభ ఛైర్మన్ జగదీష్ ధన్కర్ ఆమోదించిన విషయం తెలిసిందే. అందకుముందే వీరిద్దరూ వైసీపీకి కాంగ్రెస్ పార్టీకి రాజీనామా చేశారు. ఆ సమయంలోను తాను టీడీపీలో చేరతానంటూ మోపిదేవి వెంకటరమణ ప్రకటించగా, తన రాజకీయ భవిష్యత్తుపై త్వరలోనే నిర్ణయం ప్రకటిస్తానన్న బీద మస్తాన్ రావు కూడా తాజాగా టీడీపీ తీర్థం పుచ్చుకున్నారు.