Former Minister Reddy Satyanarayana : ఐదు సార్లు ఎమ్మెల్యే.. మాజీ మంత్రి రెడ్డి సత్యానారాయణ కన్నుమూత

Former Minister Reddy Satyanarayana : మాజీ మంత్రి రెడ్డి సత్యనారాయణ (99) కన్నుమూశారు. ఈరోజు (మంగళవారం) ఉదయం అనకాపల్లి జిల్లా చీడికాడ మండలం పెదగోగాడలో ఆయన తుదిశ్వాస విడిచారు. వయసు రీత్యా వచ్చిన అనారోగ్య కారణాలతో మృతిచెందారు. గతంలో మాడుగుల నియోజకవర్గం నుంచి వరుసగా ఐదుసార్లు ఆయన ఎమ్మెల్యేగా గెలుపొందారు. టీడీపీ తరపున వరుసగా 1983, 1985, 1989, 1994, 1999 ఎన్నికల్లో ఆయన బరిలో నిలిచి విజయం సాధించారు. ఎన్టీఆర్ హయాంలో మంత్రిగానూ పనిచేశారు. పశుసంవర్థక శాఖ బాధ్యతలు నిర్వర్తించారు. రెడ్డి సత్యనారాయన మృతి పట్ల వివిధ పార్టీల నేతలు సంతాపం వ్యక్తం చేశారు. బుధవారం అంత్యక్రియలు నిర్వహించనున్నట్లు కుటుంబ సభ్యులు తెలిపారు.