Uri Peru Bhairavakona
Uri Peru Bhairavakona : స్టార్ గా ఎదిగేందుకు అన్నీ విధాలుగా అర్హతలు ఉన్నప్పటికీ కూడా కొంతమంది కుర్ర హీరోలు కనీస స్థాయి మార్కెట్ కూడా లేకుండా ఎక్కడైతే ప్రారంభం అయ్యారో అక్కడే ఉండిపోయిన హీరోలు మన ఇండస్ట్రీ లో చాలామంది ఉన్నారు. అలాంటి హీరోలలో ఒకడు సందీప్ కిషన్. అందం , యాక్టింగ్ టాలెంట్ ఉన్నప్పటికీ కూడా సరైన స్క్రిప్ట్ సెలక్షన్ లేకపోవడం వల్ల ఇతని కెరీర్ ‘వెంకటాద్రి ఎక్స్ ప్రెస్’ చిత్రం దగ్గరే ఆగిపోయింది.
ఎందుకంటే ఆయన కెరీర్ అదే మొట్టమొదటి కమర్షియల్ హిట్, అదే చివరి కమర్షియల్ హిట్ కూడా. ఈ సినిమా తర్వాత ఆయన ఏడాదికి మూడు నాలుగు సినిమాలు చేస్తూ వస్తున్నాడు కానీ ఒక్కటంటే ఒక్కటి కూడా బాక్స్ ఆఫీస్ వద్ద విజయం సాధించలేదు. కానీ రీసెంట్ గా ఆయన హీరోగా నటించిన ‘ఊరిపేరు భైరవకోన’ చిత్రం పై మాత్రం ఆడియన్స్ లో మంచి క్రేజ్ ఏర్పడింది.
ముందుగా ఈ సినిమా నుండి ‘నిజమేవే చెప్తున్నా’ అనే పాట విడుదలై చార్ట్ బస్టర్ హిట్ గా నిల్చింది. యూట్యూబ్ లో ఈ పాటకి ఏకంగా 70 మిలియన్ కి పైగా వ్యూస్ వచ్చాయి. ఇది సాధారమైన విషయం కాదు. ఈ పాట నుండి ఈ చిత్రానికి క్రేజ్ ఏర్పడడం మొదలైంది. ఇక ఆ తర్వాత రీసెంట్ గా విడుదలైన టీజర్, ట్రైలర్ ఈ చిత్రం పై మరింత హైప్ పెంచడానికి కారణం అయ్యాయి. అయితే ఈ సినిమా ఫిబ్రవరి 9 వ తారీఖున విడుదల కావాల్సి ఉంది. కానీ అదే రోజు రవితేజ ఈగల్ చిత్రం విడుదల అవ్వబోతుండడం తో ఈ సినిమా వాయిదా పడింది. కానీ ఈ చిత్రానికి సంబంధించిన ప్రివ్యూ షో ని రీసెంట్ గానే ప్రసాద్ ల్యాబ్స్ లో కొంతమంది మీడియా ప్రముఖులు, సినిమా ప్రముఖులకు వేసి చూపించింది మూవీ టీం.
వాళ్ళ నుండి ఈ చిత్రానికి అద్భుతమైన రెస్పాన్స్ వచ్చింది. ఈ రేంజ్ హారర్ జానర్ చిత్రాన్ని ఇటీవల కాలం లో చూడలేదని, థియేటర్స్ లో ఈ సినిమాకి కచ్చితంగా అద్భుతమైన రెస్పాన్స్ వస్తుంది అంటూ పొగడ్తలతో ముంచి ఎత్తారట. సందీప్ కిషన్ కెరీర్ ని మలుపు తిప్పే సినిమాగా నిలుస్తుందని, విడుదల రోజు మేము చెప్పింది నిజమే అని మీరు కూడా అర్థం చేసుకుంటారు అంటూ కొంతమంది మీడియా కి సంబంధించిన వాళ్ళు పొగడ్తలతో ముంచి ఎత్తారట.