Fireworks explosion : బాణసంచా పేలి దంపతులు మృతి

Fireworks explosion : హైదరాబాద్ నగరంలోని యాకుత్ పురాలో విషాదం నెలకొంది. ఇంట్లో బాణసంచా పేలి ఇద్దరు దంపతులు మృతి చెందారు. వారి కుమార్తెలకు తీవ్ర గాయాలు కావడంతో మలక్ పేటలోని ఓ ఆస్పత్రికి తరలించారు. అందులో ఒకరి పరిస్థితి విషమంగా ఉన్నట్లు తెలుస్తోంది.

బాణసంచా పేలడంతో మంటలు చెలరేగాయి. సమాచారం అందుకున్న పోలీసులు, అగ్నిమాపక సిబ్బంది ఘటనా స్థలానికి చేరుకొని మంటలను అదుపు చేశారు. అయితే ఈ దంపతులిద్దరూ దీపావళి పండుగ నేపథ్యంలో స్థానికంగా పటాకుల దుకాణం నిర్వహిస్తున్నారు. ఈ క్రమంలో ఇంట్లో పటాకుల నిల్వలను ఉంచారు. రాత్రి ఇంట్లో పిండి వంటలు చేస్తుండగా నిప్పురవ్వలు ఎగిరిపడి బాణసంచాకు అంటుకున్నాయి. దీంతో మంటలు ఎగిసిపడడంతో అగ్ని కీలల్లో చిక్కుకొని దంపతులు మృతి చెందారు. మృతుల కుటుంబ సభ్యులు, బంధువులు శోకసంద్రంలో మునిగిపోయారు.