Road Accident : ఏలూరు జిల్లాలో ఘోర రోడ్డు ప్రమాదం.. నలుగురి మృతి

Road Accident

Road Accident : ఏలూరు జిల్లాలో ఘోర రోడ్డు ప్రమాదం చోటు చేసుకుంది. ఈ ప్రమాదంలో నలుగురు అక్కడికక్కడే మృతి చెందారు. ఆగి ఉన్న కంటైనర్ లారీని బలంగా కారు ఢీకొనడం ఈ ప్రమాదం చోటు చేసుకుంది. సోమవారం తెల్లవారుజామున ఈ ఘటన జరిగింది. లక్ష్మీనగర్ దగ్గర ఆగి ఉన్న కంటైనర్ లారీని విజయవాడ నుంచి రాజమండ్రి వైపు ప్రయాణిస్తున్న నలుగురు మృతి చెందారు. అయితే, ఈ ప్రమాదంలో ఒక బాలుడు పరిస్థితి విషమంగా ఉంది. ఆ బాలుడిని దగ్గరలోని ఆసుపత్రికి తరలించి చికిత్స అందిస్తున్నారు.

మృతి చెందిన వారిలో ఇద్దరు మహిళలు, ఓ బాలుడు, ఒక పురుషుడు ఉన్నారు. కారు డ్రైవర్, మరో బాలుడి పరిస్థితి విషమంగా ఉంది. కారు హైదరాబాద్ నుంచి రాజమండ్రి పరిధిలోని రాజవోలు వెళ్తుండగా ఈ ఘటన జరిగింది. మృతులు హైదరాబాద్ వాసులుగా, డ్రైవర్ కోనసీమ జిల్లా వాడపల్లికి చెందిన దుర్గవంశీగా గుర్తించారు. డ్రైవర్ నిద్ర మత్తులో ఉండటం వల్లే ఈ ప్రమాదం జరిగి ఉండవచ్చని పోలీసులు భావిస్తున్నారు. పోలీసులు కేసు నమోదు చేసి దర్యాప్తు చేస్తున్నారు. మృతదేహాలను పోస్టుమార్టం నిమిత్తం స్థానిక ప్రభుత్వ ఆసుపత్రికి తరలించారు.