Mohan Babu
Mohan Babu : టాలీవుడ్ సీనియర్ నటుడు, కలెక్షన్ కింగ్ మంచు మోహన్ బాబు ఇంట్లో చోరీ జరిగింది. మోహన్ బాబుకు హైదరాబాద్ లోని జూబ్లీహిల్స్‌లో నివాసం ఉంటున్నారు. హైదరాబాద్ నగర శివారులోని జల్‌పల్లిలో కూడా మోహన్ బాబుకు ఓ గెస్ట్ హౌస్‌ ఉంది. ప్రస్తుతం ‘కన్నప్ప’ సినిమా పనుల్లో బిజీగా ఉన్నారు మోహన్ బాబు. తాజాగా ఆయన జల్‌పల్లిలో ఉన్న నివాసానికి వెళ్లారు. తన బీరువాలో ఉన్న రూ.10 లక్షల నగదు పోయినట్లు ఆయన గుర్తించారు. అక్కడ కొంతకాలంగా పనిచేస్తున్న నాయక్ అనే వ్యక్తి, కొన్నాళ్లుగా కనిపించడం లేదంటున్నారు. దీంతో మోహన్ బాబు తన రూ.10 లక్షలను నాయక్ కొట్టేసి పారిపోయాడని, అతనిపై పోలీసులకు ఫిర్యాదు చేశాడు. ఫిర్యాదు స్వీకరించిన పోలీసులు, నాయక్‌ని తిరుపతిలో అదుపులోకి తీసుకొని విచారణ జరుపుతున్నారు .అతనే చోరీ చేశాడా? అయితే హీరో మోహన్ బాబు ఇంట్లో పోయిన పది లక్షల రూపాయలను పోలీసులు రికవరీ చేశారా? అనే విషయాలు ఇంకా తెలియరాలేదు.
2022లో ‘సన్నాఫ్ ఇండియా’ సినిమాలో మోహన్‌బాబు నటించగా, అది బిగ్గెస్ట్ డిజాస్టర్ గా మిగిలింది. 2023లో గుణశేఖర్ దర్శకత్వంలో ‘శాకుంతలం’ సినిమాలో దుర్వాస మహర్షి పాత్రలో నటించాడు. మంచు విష్ణు వర్ధన్ బాబు హీరోగా తెరకెక్కుతున్న ‘కన్నప్ప’ సినిమాలో మహదేవ శాస్త్రిగా మోహన్ బాబు కీ రోల్ చేస్తున్నాడు. దాదాపు రూ.100 కోట్ల బడ్జెట్‌తో కన్నప్ప సినిమా తెరకెక్కుతున్నది.
రెబల్ స్టార్ ప్రభాస్, మోహన్ లాల్, అక్షయ్ కుమార్, బ్రహ్మానందం, శరత్ కుమార్ లాంటి స్టార్ హీరోలు ఈ సినిమాలో నటిస్తున్నారు. 2025లో కన్నప్ప సినిమాని రిలీజ్ చేసేందుకు సన్నాహాల చేస్తున్నారు. ఇటీవల నందమూరి బాలకృష్ణ స్వర్ణోత్సవ వేడుకలకు మోహన్ బాబు ముఖ్య అతిథిగా హాజరయ్యాడు.