Pawan Kalyan : పవన్ కల్యాణ్ పై ప్రఖ్యాత బాలీవుడ్ నటుడి కామెంట్స్ వైరల్

Pawan Kalyan : పవర్ స్టార్ పవన్ కల్యాణ్‌ హ్యాష్‌ట్యాగ్‌ ప్రస్తుతం ఎక్స్‌లో వైరల్‌గా మారింది. పవన్ స్టార్ సినిమాలకు సంబంధించిన కొన్ని వార్తలు సోషల్ మీడియాలో షేర్ కావడం, బాలీవుడ్‌ నటుడు, మీర్జాఫూర్ ఫేమ్ పంకజ్ త్రిపాఠి పవన్ పై ప్రశంసలు కురిపించడమే దీనికి కారణం. రెండు తెలుగు రాష్ట్రాల్లో  పవన్‌ కల్యాణ్‌కు ఉన్న ఫ్యాన్‌ ఫాలోయింగ్‌ ప్రత్యేకంగా చెప్పక్కర్లేదు. సినీ సెలబ్రెటీలతో పాటు ఇతర రంగాలకు చెందిన వారు కూడా పవన్ కు వీరాభిమానులే. పలు సందర్భాల్లో వారంతా పవన్‌  కల్యాణ్ పై ఉన్న అభిమానాన్ని వెల్లడించారు. తాజాగా మీర్జాపూర్‌ నటుడు పంకజ్‌ త్రిపాఠి  పవన్‌ కల్యాణ్ పై ప్రశంస జల్లు కురిపించారు. ఓ ఇంటర్వ్యూలో పంకజ్‌ త్రిపాఠి పవన్ కల్యాణ్ ను ఉద్దేశించి సంచల వ్యాఖ్యలు చేశారు. ‘పవన్‌ చాలా గొప్ప నటుడని,  ప్రత్యేకంగా పుస్తకాలు బాగా చదువుతుంటారని చెప్పొకచ్చారు. పవన్ ఎంతో దూరదృష్టి ఉన్న వ్యక్తి అని కితాబిచ్చారు. ఈ విషయాన్ని కొందరు డైరెక్టర్లు తనతో స్వయంగా  చెప్పారని గుర్తు చేసుకున్నారు. పవర్ స్టార్ కు అన్ని భాషల్లో అభిమానులు ఉన్నారని చెప్పుకొచ్చారు. పంకజ్ త్రిపాఠి చేసిన ఈ వ్యాఖ్యలు సోషల్ మీడియాలో ప్రస్తుతం వైరల్‌గా మారాయి.

మరోవైపు పవన్ కల్యాణ్‌ సినిమాకు సంబంధించిన ఓ వార్త ఎక్స్‌(ట్విట్టర్) లో బాగా వైరల్‌ అవుతున్నది. సాహో ఫేం సుజీత్‌ దర్శకత్వంలో పవన్ కల్యాణ్ హీరోగా   ‘ఓజీ’ చిత్రం తెరకెక్కుతున్న విషయం తెలిసిందే.  ఈ చిత్రంలో తమిళ స్టార్ హీరో శింబు ఓ పాట పాడిన సంగతి తెలిసిందే. పవర్ స్టార్ పవన్‌ కెరీర్‌లోనే ఈ పాట బిగ్గెస్ట్‌ ఎలివేషన్‌ సాంగ్‌ గా నిలవబోతుందనే టాక్ నడుస్తున్నది. . అలాగే ‘హరిహర వీరమల్లు’ చిత్రంలోనూ పవన్‌ కల్యాణ్‌ మరోసారి తన గాత్రం సవరించనున్నారు. తమ్ముడు సినిమా నుంచి తన చిత్రాల్లో పవన్ కల్యాణ్ ఏదో ఒక్క చిన్న పాటైనా పాడుతున్న విషయం తెలిసిందే. ఇక హరిహర వీరమల్లులోనూ ఓ పాట పాడనున్నట్లు సమాచారం. ఇప్పటికైతే దీని గురించి అధికారిక ప్రకటన వెలువడలేదు.

ఇక పవన్‌ కల్యాణ్  అటు రాజకీయాల్లో బిజీగా ఉన్నా  కాస్త సినిమాలకు కూడా సమయం కేటాయిస్తున్నాడు. ఇప్పటికే  హరిహర వీరమల్లు కోసం మేకప్ వేసుకున్నాడు. ‘ఓజీ’, ‘హరిహర వీరమల్లు’, ‘ఉస్తాద్‌ భగత్‌ సింగ్‌’ సినిమాలు కూడా పూర్తి చేస్తాడనే టాక్ కూడా వినిపిస్తున్నా ఇప్పటికైతే పవన్ కల్యాణ్ ఎలాంటి స్పష్టత ఇవ్వడం లేదు. సార్వత్రిక, అసెంబ్లీ ఎన్నికల కారణంగా ఈ మూడు సినిమాల చిత్రీకరణ వాయిదా పడిన విషయం తెలిసిందే.  ఈ మూడు సినిమాల ట్రైలర్లు, టీజర్లు, గ్లింప్స్‌ సోషల్ మీడియాలో వైరల్ అయ్యాయి.