West Asia : పశ్చిమాసియాలో తీవ్ర ఉద్రిక్తత.. ఇరాన్ లో హై అలర్ట్

West Asia

West Asia : పశ్చిమాసియాలో తీవ్ర ఉద్రిక్త పరిస్థితులు నెలకొనడంతో ఇరాన్ సుప్రీం లీడర్ అయతుల్లా అలీ ఖమేనీని అత్యంత కట్టుదిట్టమైన భద్రతా ప్రాంతానికి తరలించినట్లు సమాచారం. ఇజ్రాయెల్-హెజ్ బోల్లాల మధ్య జరుగుతున్న యుద్ధంతో పశ్చిమాసియాలో తీవ్ర ఉద్రిక్త పరిస్థితులు ఏర్పడ్డాయి. ఇజ్రాయెల్ దళాలు చేస్తోన్న భీకర దాడులతో హెజ్ బొల్లాకు భారీ నష్టం సంభవిస్తోంది. తాజాగా ఆ గ్రూప్ చీఫ్ హసన్ నస్రల్లాను మట్టుపెట్టినట్లు తెలుస్తోంది. ఇజ్రాయెల్ సైన్యం దూకుడు వేళ.. ఇరాన్ అప్రమత్తమవుతోంది. తమ సుప్రీం లీడర్ అయతుల్లా అలీ ఖమేనీని సురక్షిత ప్రాంతానికి తరలించినట్లు తెలుస్తోంది. ఈ మేరకు అంతర్జాతీయ కథనాలు వెలువడ్డాయి.