firing : ఫైరింగ్ సాధన చేస్తుండగా పేలుడు.. ఇద్దరు అగ్నివీరులు మృతి

firing : మహారాష్ట్రలో ఇద్దరు అగ్నివీరులు ప్రాణాలు కోల్పోయారు. ఫైరింగ్ సాధన చేస్తుండగా ఇండియన్ ఫీల్డ్ గన్ లోని షెల్ పేలడంతో వారు మృతి చెందారని శుక్రవారం పోలీసులు తెలిపారు. నాసిక్ లోని ఆర్టిలరీ కేంద్రంలో నిన్న మధ్యాహ్నం ఈ ఘటన చోటు చేసుకుంది. ఇందియన్ ఫీల్డ్ గన్ తో కొంతమంది అగ్నివీరుల బృందం ఫైరింగ్ సాధన చేసింది. ఆ సమయంలో ఒక షెల్ పేలిపోయింది. దీంతో ఇద్దరు గాయపడగా వారిని దేవ్ లాలీలోని ఎంహెచ్ ఆస్పత్రికి తరలించారు. అక్కడ చికిత్స పొందుతూ వారు ప్రాణాలు కోల్పోయారని అధికారులు తెలిపారు. మృతుల పేర్లు గోహిల్ విశ్వరాజ్ సింగ్, సైఫత్ అని తెలిపారు. హవల్దార్ అజిత్ కుమార్ ఫిర్యాదు మేరకు పోలీసులు ఈ కేసు నమోదు చేసి దర్యాప్తు చేస్తున్నారు.