Pakistan
Pakistan : పాకిస్తాన్ లోని క్వెట్టా రైల్వే స్టేషన్ సమీపంలో భారీ పేలుడు సంభవించింది. పేలుళ్లతో క్వెట్టా రైల్వే స్టేషన్ దద్దరిల్లింది. పాక్ ఆర్మీ లక్ష్యంగా జాఫర్ ఎక్స్ ప్రెస్ లో బాంబు పేలుడు జరిగినట్లు తెలుస్తోంది. ఈ ఘటనలో 16 మంది ప్రాణాలు కోల్పోయారని స్థానిక మీడియా వెల్లడించింది. రైలు పెషావర్ కు బయలుదేరుతుండగా జరిగిన పేలుడు ధాటికి 30 గాయపడ్డారని అధికారులు తెలిపారు. ఇది ఆత్మాహుతి బాంబు దాడిలా అనిపిస్తోందని, దీనిపై ఇప్పుడే నిర్ధారణకు రాలేమని చెప్పారు.
శనివారం ఉదయం ఈ పేలుడు సంభవించింది. దీనిపై ఇంతవరకు ఏ గ్రూప్ బాధ్యతను ప్రకటించుకోలేదు. బాంబ్ డిస్పోజల్ స్క్వాడ్ ఆధారాలను సేకరించిందని బలూచిస్థాన్ ప్రభుత్వ ప్రతినిధి వెల్లడించారు. పేలుడు సమయంలో ఘటనాస్థలంలో సుమారు 100 మంది ఉన్నారని తెలిపారు. మృతుల సంఖ్య పెరగవచ్చని సమాచారం.