Kalki 2898 AD : ‘కల్కి 2898 ఏడీ’ కోసం ఖరీదైన యాడ్ క్యాంపెయిన్..

Kalki 2898 AD

Kalki 2898 AD : ‘కల్కి 2898 ఏడీ’ సినిమాపై భారీ అంచనాలు నెలకొన్నాయి. ప్రభాస్ నటించిన ఈ చిత్రం పాన్ ఇండియా అటెన్షన్ ను సొంతం చేసుకుంది. ఈ సినిమా ప్రమోషన్స్, ఖర్చులను చిత్ర వర్గాలు పంచుకుంటున్నాయి. ఐపీఎల్ మ్యాచ్ సందర్భంగా 12 సెకన్ల ప్రకటన కోసం రూ.3 కోట్లు ఖర్చు చేసినట్లు తాజా సమాచారం.

ఐపీఎల్ మ్యాచ్ సందర్భంగా 12 సెకన్ల యాడ్ కోసం నిర్మాతలు రూ.3 కోట్లు వరకు ఖర్చు చేశారు. హిందీ, తమిళం, తెలుగు, ఇతర భాషల్లో విడుదల కానున్న బహుభాషా చిత్రం కావడంతో ఐపీఎల్ మ్యాచ్ సందర్భంగా తమ సినిమాను ప్రమోట్ చేసేందుకు నిర్మాతలు భారీగా పెట్టుబడి పెట్టేందుకు వెనుకాడలేదు.

కల్కిపై మరింత ఆసక్తి పెంచేందుకు ప్రభాస్ తనవంతు కృషి చేస్తున్నాడని, తన కెరీర్ లో తొలిసారిగా సైన్స్ ఫిక్షన్ మూవీ చేయడం ఆనందంగా ఉందని చిత్ర వర్గాలు తెలిపాయి. దీపికా పదుకొణె, అమితాబ్ బచ్చన్, కమల్ హాసన్, దుల్కర్ సల్మాన్ సహా పలువురు ప్రధాన తారాగణం నటించిన ఈ చిత్రం భారతీయ సినిమాల్లో మోస్ట్ అవైటెడ్ థ్రిల్లర్లలో ఒకటిగా నిలిచింది.

బాలీవుడ్ నటీనటులు, అదిరిపోయే ఇతివృత్తంతో తెరకెక్కిన ఈ యాక్షన్ అడ్వెంచర్ కు హిందీ హార్ట్ ల్యాండ్ లో బలమైన ఓపెనింగ్స్ వస్తాయని చిత్ర వర్గాలు తెలిపాయి.

ఎన్నికలు ముగిసిన తర్వాత విడుదల చేస్తామన్న అశ్వినీదత్. ఇంకా సరైన తేదీని ప్రకటించలేదు. కానీ యాడ్స్, పోస్ట్ ప్రొడక్షన్ పనులు మాత్రం వేగంగా చేపడుతున్నారు. దేశ వ్యాప్తంగా అత్యంత భారీ బడ్జెట్ సినిమా, ప్రభాస్ కు ఉన్న మంచి ఊపుతో మూవీ రిలీజ్ సమయానికి భారీ హైప్ తేవాలని ప్రొడ్యూసర్లు భావిస్తున్నారు. అందుకు అనుగుణంగా పనులు చేపడుతున్నారు.