Family Star : అందరి ఫోకస్ ‘ఫ్యామిలీ స్టార్’ పైనే.. ఏ మాత్రం అటు ఇటు అయినా..

Family Star

Family Star : సంక్రాంతి తర్వాత కొన్ని రోజుల పాటు టాలీవుడ్ కు నష్టాలే మిగిలాయి. మార్చిలో మాత్రం కాస్త ఊరట లభించింది. ‘గామి’కి విమర్శకుల ప్రశంసలు దక్కాయి. ‘ఓం బీమ్ బుష్’ కు నవ్వులు పండించింది. టిల్లు స్వ్కేర్ కు మంచి వసూళ్లు దక్కించుకుంటోంది. ఈలోగా ఏప్రిల్ వచ్చేసింది. ఈ ఉత్సాహంతో ఈ వారం కూడా కొత్త సినిమాలు వరుస కడుతున్నాయి. ఈ శుక్రవారం 4 సినిమాలు థియేటర్లలోకి రానున్నాయి. అయితే అందరి దృష్టి మాత్రం విజయ్ దేవరకొండ ‘ఫ్యామిలీ స్టార్’పైనే. ఇక ఈ సినిమాపై విజయ్ కూడా ఆశలు పెంచుకున్నాడు. తన కెరీర్ లో భారీ హిట్ చూసి చాలా రోజులైంది. లైగర్ అట్టర్ ప్లాప్ తర్వాత విజయ్ కెరీర్ కు చాలా నష్టం జరిగింది. ఫ్యాన్ బేస్ బాగానే ఉన్నా వరుసగా సినిమాలు ప్లాప్ అయితే ఏ హీరోకైనా కష్టమే. అందుకే ఈ సినిమా విజయ్ కెరీర్ కు ఎంతో సాయపడనుంది.

విజయ్ దేవరకొండ, మృణాల్ ఠాకూర్ జంటగా నటించిన ఈ చిత్రానికి దర్శకుడు పరశురామ్. గీతగోవిందం తర్వాత విజయ్, పరుశురామ్ కాంబోలో వస్తున్న మూవీ ఇది. దీనిపై భారీ అంచనాలు ఉన్నాయి. టైటిల్ తోనే కుటుంబ ప్రేక్షకులకు గాలం వేశారు. ఫ్యామిలీ అంతా థియేటర్లకు  వెళ్లే సినిమాలు చాలా తక్కువగా వస్తున్నాయి. పైగా సమ్మర్ సీజన్. కుటుంబ ప్రేక్షకులకు ఈ సినిమాకు మించిన ఆప్షన్ మరేది లేదు. విజయ్ కు యూత్ లో మంచి ఫాలోయింగ్ ఉంది. ఏ మాత్రం పాజిటివ్ టాక్ వచ్చినా, ఈ సినిమా దుమ్మురేపడం మాత్రం ఖాయం. మృణాల్ టైం ఓ రేంజ్ లో ఉంది. తన సినిమాలన్నీ హిట్టే. లేటెస్ట్ గా వచ్చిన హాయ్ నాన్న తో మరో హిట్ తన ఖాతాలో వేసుకుంది. ఎలా చూసుకున్నా ఫ్యామిలీ స్టార్ కు పాజిటివ్ వైబ్స్ కనపడుతున్నాయి.

ఈ సినిమాతో పాటు ‘భరతనాట్యం’, ‘బహుముఖం’ అనే రెండు చిన్న చిత్రాలు ప్రేక్షకుల ముందుకు రానున్నాయి. మలయాళంలో మంచి విజయాన్ని అందుకున్న ‘మంజుమల్ బోయ్స్’ కూడా ఈవారమే డబ్బింగ్ రూపంలో తెలుగులోకి వస్తోంది. దీంతో పాటు సందీప్ కిషన్ నటించిన తమిళ చిత్రం ‘మాయవన్’ ఏడేళ్ల తర్వాత తెలుగులో ‘ప్రాజెక్ట్ జెడ్’ పేరుతో తీసుకొస్తున్నారు. లావణ్య త్రిపాఠి హీరోయిన్ గా నటించింది.