young hero : పెద్ద సినిమాలు బరిలో ఉన్నా.. చెప్పి మరీ హిట్ కొట్టిన యంగ్ హీరో..  

young hero Ka Movie

young hero : ఈ సారి దీపావళిని టాలీవుడ్ నిర్మాతలు ఉపయోగించుకోలేకపోయారు. కేవలం రెండు మాత్రమే తెలుగు సినిమా లు బరిలో నిలిచాయి. అందులో ఒకటి మలయాళ హీరో కాగా, మరొకరు యంగ్ హీరో కిరణ్ అబ్బవరం. ఎదురుగా రెండు పెద్ద సినిమాలు పోటీలో ఉన్నా  వెనక్కి తగ్గలేదు కిరణ్ అబ్బవరం.  తాను హీరోగా నటించిన ‘క’ సినిమా దీపావళి కానుకగా అక్టోబర్ 31న విడుదల కాగా, తొలి ఆట నుంచే సూపర్ హిట్ టాక్ తెచ్చుకుంది.  విడుదలైన ప్రతి సెంటర్ లో మంచి కలెక్షన్లతో దూసుకుపోతున్నది.

పీరియాడికల్ థ్రిల్లర్ గా తెరకెక్కిన ఈ సినిమాలో నయన్ సారిక, తన్వీరామ్ హీరోయిన్లుగా నటించారు. ఇద్దరు  డైరెక్టర్లు ఈ సినిమాను తెరకెక్కించడం విశేషం.  ఇటీవల హీరో కిరణ్ అబ్బవరం నటించిన సినిమాలు బాక్స్ ఆఫీస్ వద్ద చతికిలపడ్డాయి. సినిమాలు వరుసగా ఫెయిల్యూర్ అవుతుండడంతో కొంత గ్యాప్ తీసుకుకొని  క అనే భిన్నమైన కథాంశాన్ని ఎంచుకున్నాడు. ఈ సినిమా పూర్తి చేయడానికి దాదాపు ఏడాది పట్టింది. మంచి టైమ్ చూసుకొని రిలీజ్ కు ప్లాన్ చేసుకున్నాడు. అదే రోజు రెండు పెద్ద సినిమాలు రిలీజ్ అవడంతో కొంత నిరుత్సాహాకి గురయ్యాడు. అయినా సినిమాపై నమ్మకంతో రిలీజ్ కు సిద్ధమయ్యాడు. ఈ సినిమా సూపర్ హిట్టవుతుందని ప్రీ రిలీజ్ ఈవెంట్లో కిరణ్ చాలా కాన్ఫిడెంట్ గా చెప్పాడు.

సినిమా మీద హైప్ పెంచడానికి చేస్తున్న మార్కెటింగ్ టెక్నిక్ అనుకున్నారు. కానీ తొలి షో పడ్డాకే తెలిసింది సినిమాలో దమ్మేంటో, షోలు, స్క్రీన్ల సంఖ్య పెరుగుతున్నట్లు సమాచారం. ప్రీమియర్లకు  మంచి స్పందన రావడంతో తొలి రోజు కలెక్షన్లు కూడా భాగానే వచ్చాయి. మాస్, స్టార్ హీరో స్థాయిలో కాకున్నా కిరణ్ గత చిత్రాల కన్నా మంచి ఓపెనింగ్స్ రాబట్టింది. వీకెండ్స్ మంచి వసూళ్లు రాబట్టే అవకాశం ఉంది.