Chhattisgarh
Chhattisgarh : ఛత్తీస్ గఢ్ లో భారీ ఎన్ కౌంటర్ జరిగింది. పోలీసుల ఎదురుకాల్పుల్లో ఏడుగురు మావోయిస్టులు మృతి చెందారు. దంతెవాడ-నారాయణపూర్ సరిహద్దులోని అబూజ్ మఢ్ అటవీప్రాంతంలో శుక్రవారం ఈ ఎన్ కౌంటర్ జరిగింది. ఈ సందర్భంగా పోలీసులు భారీగా ఆటోమేటిక్ ఆయుధాలను, ఇతర వస్తువులను స్వాధీనం చేసుకున్నారు.
దండకారణ్యంలో మావోయిస్టులు ఉన్నట్లు సమాచారం అందడంతో భద్రతా సిబ్బంది స్పెషల్ ఆపరేషన్ చేపట్టారు. ఈ క్రమంలో మధ్యాహ్నం భద్రతా దళాలపై మావోయిస్టులు కాల్పులకు దిగారు. దీంతో భద్రతా సిబ్బంది ఎదురుకాల్పులు జరిపారు. ఘటనా స్థలంలో ఏడుగురు మావోయిస్టుల మృతదేహాలను గుర్తించినట్లు పోలీసులు తెలిపారు. అంతేగాక భారీ ఎత్తున పేలుడు పదార్థాలను స్వాధీనం చేసుకున్నట్లు పేర్కొన్నారు. ప్రస్తుతం ఎన్ కౌంటర్ కొనసాగుతున్నట్లు తెలుస్తోంది.