Elon Musk
Elon Musk : అమెరికా ఎన్నికల్లో మాజీ అధ్యక్షుడు ట్రంప్ కోసం ఎలాన్ మస్క్ భారీగా నిధులు సమకూర్చేందుకు సిద్ధమైనట్లు సమాచారం. ప్రతినెల రూ.376 కోట్లు (దాదాపు 45 మిలియన్ డాలర్లు) ఇవ్వనున్నట్లు తెలుస్తోంది. ఈ మేరకు విశ్వసనీయ వర్గాలను ఉటంకిస్తూ వాల్ స్ట్రీట్ జర్నల్ కథనం వెల్లడించింది.
ఈ అధ్యక్ష ఎన్నికల్లో ట్రంప్ నకు గానీ, బైడెన్ కు గానీ తన వైపు నుంచి ఆర్థిక సహకారం ఉండబోదంటూ గతంలో మస్క్ ప్రకటించారు. అయితే, మనసు మార్చుకున్న టెస్లా అధినేత ఇప్పటికే మాజీ అధ్యక్షుడి తరపున ప్రచార కార్యక్రమాలు నిర్వహిస్తున్న పొలిటికల్ యాక్షన్ కమిటీ (పీఏసీ)కి పెద్ద మొత్తంలో విరాళం అందించారు. అయితే, ఎంత ఇచ్చారనే వివరాలు తెలియలేదు. తాజాగా ట్రంప్ పై కాల్పుల ఘటనతో ఆయనకు పూర్తి మద్దతు ప్రకటించిన మస్క్.. ఇప్పుడు మరోసారి విరాళాలు అందించేందుకు ముందుకొచ్చినట్లు తెలుస్తోంది.