Elon Musk
Elon Musk : బ్లూమ్ బర్గ్ విడుదల చేసిన కుబేరుల జాబితాలో టెస్లా సీఈఓ ఎలాన్ మస్క్ మళ్లీ నంబర్ 1 స్థానాన్ని దక్కించుకున్నారు. బ్లూమ్ బర్గ్ బిలియనీర్ ఇండెక్స్ తాజా నివేదిక ప్రకారం.. 208 బిలియన్ డాలర్ల నికర విలువతో బెజోస్ ను వెనక్కి నెట్టి మొదటి స్థానానికి చేరుకున్నారు. 205 బిలియన్ డాలర్లతో జెఫ్ బెజోస్, 199 బిలియన్ డాలర్లతో బెర్నార్డ్ ఆర్నాల్డ్ తర్వాతి స్థానంలో నిలిచారు. చాలా కాలం నుంచి ఈ ముగ్గురి మధ్య గట్టి పోటీ నడుస్తోంది. తాజాగా టెస్లా షేర్లు రాణించడంతో మస్క్ తిరిగి మొదటి స్థానంలో నిలిచారు.
ఇటీవల జరిగిన టెస్లా సాధారణ వార్షిక సమావేశంలో మస్క్ వేతన ప్యాకేజీకి ఆమోదముద్ర పడింది. 56 బిలియన్ డాలర్ల వేతన ప్యాకేజీని ఇచ్చేందుకు ఇన్వెస్టర్లు అంగీకరించారు. దీంతో టెస్లా షేర్లు రాణించాయి. పే ప్యాకేజీపై పోరాటం, ఆర్టిఫిషియల్ ఇంటెలిజెన్స్ వెంచర్ కు 24 బిలియన్ల డాలర్ల కంటే ఎక్కువ నిధులు వచ్చి చేరడం కూడా ఆయనకు కలిసి వచ్చింది. బ్లూమ్ బర్గ్ వెల్త్ ఇండెక్స్ ప్రకారం మస్క్ కు కంపెనీలో 65 శాతం వాటా ఉంది.