Electric bike
Electric bike : ఓ ఎలక్ట్రిక్ బైక్ లో మంటలు చెలరేగి.. సమీపంలోని దుకాణానికి వ్యాపించిన ఘటన కుత్బుల్లాపూర్ పోలీస్ స్టేషన్ పరిధి సూరారం చౌరస్తాలో చోటు చేసుకుంది. ఆదిత్య మెడికల్ షాప్ ముందు నిలిపి ఉంచిన ఎలక్ట్రిక్ బైక్ లో ఒక్కసారిగా మంటలు చెలరేగాయి. వాహనం బ్యాటరీ ఛార్జ్ చేస్తుండగా ఈ ఘటన జరిగింది. పూర్తిగా వాహనం దగ్ధమైంది. మంటలు పక్కనే ఉన్న మెడికల్ షాపు వరకు వ్యాపించడంతో షాపు ముందు భాగం పాక్షికంగా దగ్ధమైంది. దీంతో ఆ రోడ్డుపై ట్రాఫిక్ స్తంభించింది. ఘటనా స్థలానికి చేరుకొని అగ్నిమాపక సిబ్బంది మంటలను అదుపు చేశారు.