Earthquakes : బిగ్ బ్రేకింగ్ : తెలుగు రాష్ట్రాల్లో భూకంపం.. ములుగు కేంద్రంగా ప్రకంపనలు

Earthquakes

Earthquakes : తెలుగు రాష్ట్రాల్లో పలుచోట్ల స్వల్ప భూప్రకంపనలు సంభవించాయి. కొన్ని సెకన్ల పాటు భూమి కంపించింది. దీంతో ప్రజల్లో భయాందోళన నెలకొంది. ఇళ్లు, అపార్ట్‌మెంట్లు లేకుండా పోయాయి. రిక్టర్ స్కేలుపై భూకంప తీవ్రత 5.3గా నమోదైంది. ఈరోజు ఉదయం 7:27 గంటలకు తెలంగాణ లోని ములుగు కేంద్రంగా రిక్టర్ స్కేల్‌పై 5.3 తీవ్రతతో భూకంపం సంభవించిందని నేషనల్ సెంటర్ ఫర్ సిస్మోలజీ పేర్కొంది.

ఏపీలోని విజయవాడ, విశాఖపట్నం, జగ్గయ్యపేట సహా పలు జిల్లాల్లో భూప్రకంపనలు సంభవించాయి. తెలంగాణలో హైదరాబాద్ నగరంలోని పలు ప్రాంతాలతో పాటు ఖమ్మం, రంగారెడ్డి, వరంగల్‌లోని సాధారణ ప్రాంతాల్లో కూడా ప్రకంపనలు వచ్చాయి. హైదరాబాద్ నగరంలోని వనస్థలిపురం, హయత్‌నగర్‌తోపాటు రంగారెడ్డి జిల్లా అబ్దుల్లాపూర్‌మెట్ట పరిసర ప్రాంతాల్లో భూమి కంపించింది. ఉమ్మడి ఖమ్మం జిల్లాలోని కొత్తగూడెం, మణుగూరు, భద్రాచలం, చర్ల, చింతకాని, నాగులవంచ ప్రాంతాల్లో ప్రకంపనలు వచ్చాయి. సమ్మం ఖమ్మం ప్రాంతంలో మూడు సెకన్ల పాటు భూమి కంపించినట్లు స్థానికులు తెలిపారు.

35 కిలోమీటర్ల లోతులో సంభవించిన భూప్రకంపనలు

తెలుగు రాష్ట్రాల ప్రజలను బుధవారం ఉదయం భూకంపం అతలాకుతులం చేసింది. అయితే ఇది భూమికి 5 నుంచి 40 కిలోమీటర్ల లోతులో రావడం వల్లే భూ ప్రకంపనలు తక్కువగా ఉన్నాయని శాస్త్రవేత్తలు వెల్లడించారు. ఇదే భూకంపం.. భూమికి 10 కిలోమీటర్ల లోతులోనే వచ్చి ఉంటే.. దీని ప్రభావం చాలా ఎక్కువగా ఉండేదని అన్నారు. 35 కిలోమీటర్ల లోతులో రావడం వల్ల భూమి ఉపరితలంపైకి స్వల్ప ప్రకంపనలు మాత్రమే వచ్చాయని, అందుకే పెద్ద నష్టాలు జరగలేదన్నారు.