Eagle Trailer:మార్గ‌శిరం మ‌ధ్య రాత్రి మోతుబ‌రి మార‌ణ‌హోమం
Eagle Trailer:మాస్ మ‌హారాజా ర‌వితేజ ఈ మ‌ధ్య స్పీడు పెంచాడు. స‌క్సెస్‌, ఫెయిల్యూర్స్‌తో సంబంధం లేకుండా వ‌రుగా పాన్ ఇండియా సినిమాల‌తో బాక్సాఫీస్‌పై దండ‌యాత్ర చేస్తున్నాడు. ఈ ఏడాది ఇప్ప‌టికే చిరుతో క‌లిసి `వాల్తేరు వీర‌య్య`, సోలో హీరోగా `రావ‌ణాసుర`, పాన్ ఇండియా మూవీ `టైగ‌ర్ నాగేశ్వ‌ర‌రావు` వంటి సినిమాల‌తో ప్రేక్ష‌కుల ముందుకొచ్చాయి. అయితే ఇందులో చిరుతో క‌లిసి న‌టించిన `వాల్తేరు వీర‌య్య` త‌ప్ప మ‌రే సినిమా విజ‌యాన్ని అందించ‌లేక‌పోయింది.
వ‌రుస‌గా రెండు సినిమాలు నిరాశ‌కు గురి చేయ‌డంతో ఈ సారి ఎలాగైనా భారీ బ్లాక్ బ‌స్ట‌ర్‌ని సొంతం చేసుకోవాల‌ని ర‌వితేజ యాక్ష‌న్ థ్రిల్ల‌ర్ `ఈగల్`తో ప్రేక్ష‌కుల ముందుకు రాబోతున్నాడు. యంగ్ టాలెంటెండ్ డైరెక్ట‌ర్ అండ్ సినిమాటోగ్రాఫ‌ర్ కార్తీక్ ఘ‌ట్ట‌మ‌నేని ఈ సినిమాకు ద‌ర్శ‌క‌త్వం వ‌హించాడు. అనుప‌మ ప‌ర‌మేశ్వ‌ర‌న్‌, కావ్యాథాప‌ర్ ఇందులో హీరోయిన్‌లుగా న‌టించారు. పీపుల్ మీడియా ఫ్యాక్ట‌రీ అత్యంత భారీ స్థాయిలో ఈ మూవీని నిర్మించింది.
సంక్రాంతికి ఎంత పోటీ ఉన్నా జ‌న‌వ‌రి 13న వ‌స్తున్నామంటూ టీమ్ ఇప్ప‌టికే రిలీజ్ డేట్‌ని కూడా ప్ర‌క‌టించింది. ఇప్ప‌టికే ప్ర‌చార కార్య‌క్రామ‌ల‌కు శ్రీ‌కారం చుట్టిన టీమ్ బుధ‌వారం ట్రైల‌ర్‌ని విడుద‌ల చేసింది. డిఫ‌రెంట్ స్టోరీతో రూపొందిన ఈ సినిమాపై హీరో ర‌వితేజ భారీ అంచ‌నాలు పెట్టుకున్నాడు. ట్రైల‌ర్ చూస్తుంటే సినిమా డ్యామ్ షూర్ హిట్ అనే సంకేతాల్ని అందిస్తోంది. `తుపాకి నుండి వ‌చ్చే బుల్లెట్ ఆగేది ఎప్పుడో తెలుసా..అది ప‌ట్టుకున్న వాణ్ణి తాకిన‌ప్పుడు..` అంటూ న‌వ‌దీప్ డైలాగ్‌తో ట్రైల‌ర్ మొద‌లైంది..
విషం మింగుతాను..విశ్వం తిరుగుతాను..ఊపిరి ఆపుతాను..కాప‌లా అవుతాను..విధ్వంసం నేను..విధ్వంసాన్ని ఆపే వినాశ‌నం నేను.. హీజ్ ఏ రూత్లేస్ అసాసిన్..వీళ్లంద‌రినీ కంగారు పెట్టించింది మ‌త్తో, ప్రాంత‌మో కాదు.. దాన్ని పండించిన వాడు. ఇంత మందిని భ‌య‌పెట్టిన వాడు నాకు తెలియాలి. అది తెలియాలంటే మార్గ‌శీరం మ‌ధ్య రాత్రి ఆ మొండు మోతుబ‌రి చేసిన మార‌ణ‌హోమం వినాలి` అంటూ సాగే డైలాగ్ లు సినిమాపై అంచ‌నాల్ని పెంచేస్తున్నాయి. ఇందులో ర‌వితేజ మూడు, నాలుగు షేడ్స్ ఉన్న పాత్ర‌లో క‌నిపిస్తున్నాడు. స్టోరీ ఏంటో ట్రైల‌ర్‌తో చెప్పేసి అంచ‌నాలు పెంచేశారు. ర‌వితేజ ఈగల్ ఏ స్థాయిలో ఆక‌ట్టుకోనుంద‌న్న‌ది తెలియాలంటే జ‌న‌వ‌రి 13 వ‌ర‌కు వేచి చూడాల్సిందే.