Eagle First Review : ‘ఈగల్’ మూవీ మొట్టమొదటి రివ్యూ.. విక్రమార్కుడు తర్వాత పవర్ ఫుల్ రోల్ లో రవితేజ!

Eagle First Review

Eagle First Review : ‘ధమాకా’ , ‘వాల్తేరు వీరయ్య’ లాంటి వరుస బ్లాక్ బస్టర్ హిట్స్ తో ఫుల్ ఫామ్ లోకి వచ్చిన రవితేజ, ఆ తర్వాత వెంటనే ‘రావణాసుర’, ‘టైగర్ నాగేశ్వర రావు’ చిత్రాలతో వరుసగా రెండు డిజాస్టర్ ఫ్లాప్స్ ని అందుకున్న సంగతి తెలిసిందే. దీంతో రవితేజ ఫ్యాన్స్ బాగా డీలా పడ్డారు. ఆయన నుండి మళ్ళీ ‘ధమాకా’ రేంజ్ బ్లాక్ బస్టర్ హిట్ ని ఆశిస్తున్నారు.

అందుకు తగ్గట్టుగానే ‘ఈగల్’ చిత్రం ఉంటుంది అని అంటున్నారు మేకర్స్. ఇందులో రవితేజ రెండు విభిన్నమైన గెటప్స్ లో కనిపిస్తాడని, ఆయన క్యారక్టర్ మాస్ ఆడియన్స్ కి పూనకాలు రప్పించే రేంజ్ లో ఉంటుందని అంటున్నారు. జనవరి 13 వ తారీఖున భోగి సందర్భంగా ఈ చిత్రం విడుదల కావాల్సింది. కానీ అదే సమయం లో మరో నాలుగు సినిమాలు ఉండడం, థియేటర్స్ కష్టం అవ్వడం తో మేకర్స్ ని ఫిలిం ఛాంబర్ రిక్వెస్ట్ చెయ్యడం తో వెనక్కి తగ్గింది ఈగల్.

ఫిబ్రవరి 9 వ తారీఖున విడుదల చేయబోతున్నట్టు గత నెలలోనే ప్రకటించారు మేకర్స్. అయితే ఈ సినిమా విడుదల సమయం లోనే సందీప్ కిషన్ ‘ఊరిపేరు భైరవకోన’ కూడా విడుదల అవ్వబోతుండడం తో ఫిలిం ఛాంబర్ ఇచ్చిన మాటని గుర్తు చేస్తూ ‘మాకు సోలో విడుదల తేదీ ఇస్తామని మాట ఇచ్చారు. ఇప్పుడు ఒక సినిమా మాకు పోటీగా వస్తుంది. ఇచ్చిన మాటని నిలబెట్టుకోండి’ అంటూ మేకర్స్ ఫిలిం ఛాంబర్ కి ఉత్తర్వులు జారీ చేసారు.

ఫిలిం ఛాంబర్ సభ్యులు ఇచ్చిన మాట ప్రకారమే ఈగల్ చిత్రానికి సోలో రిలీజ్ డేట్ ఇప్పించారు. ఇదంతా పక్కన పెడితే ఈ సినిమాకి సంబంధించిన ప్రీమియర్ షో ని ఇటీవలే ప్రసాద్ ల్యాబ్స్ లో కొంతమంది మీడియా, సినీ ప్రముఖులకు వేసి చూపించారు.

ఔట్పుట్ అద్భుతంగా వచ్చినట్టు టాక్ వినిపిస్తుంది. రవితేజ మార్క్ కమర్షియల్ ఎలిమెంట్స్ తో పాటుగా, ఒక చక్కటి సందేశం ని ఈ సినిమా ద్వారా జనాలకు చెప్పే ప్రయత్నం డైరెక్టర్ చేసాడని అంటున్నారు. అంతే కుకుండా ఈ సినిమాలో రవితేజ గెటప్, లుక్స్ కూడా చాలా డిఫరెంట్ గా ఉందని, టాక్ వస్తే ఈ చిత్రానికి కచ్చితంగా మంచి వసూళ్లు వస్తాయని, మరోసారి రవితేజ వంద కోట్ల రూపాయిల గ్రాస్ ని కొల్లగొడుతాడు అంటూ ట్రేడ్ పండితులు చెప్తున్నారు.