Eagle : ‘ఈగల్’ సెన్సార్ రివ్యూ.. అన్ని గంటలు ఊచకోతే
‘Eagle’ Censor Review..
Eagle Censor Review : టాలీవుడ్ మాస్ మహరాజ ఇమేజ్‌ను సొంతం చేసుకుకొ.. సుదీర్ఘ కాలంగా పక్కా కమర్షియల్ మూవీస్ చేస్తూ దూసుకుపోతున్నాడు రవితేజ. రిజల్ట్‌తో సంబంధం లేకుండా ప్రాజెక్టులను పట్టాలెక్కిస్తోన్న ఇతడు.. ‘ధమాకా’ తర్వాత ఆ రేంజ్ బ్లాక్ బస్టర్ కోసం ఈగర్ గా వెయిట్ చేస్తున్నాడు. ఆయన నిరీక్షణ ఫలించింది. సరిగ్గా అలాంటి బ్లాక్ బస్టర్ సినిమానే ‘ఈగల్’.
ప్రముఖ సినిమాటోగ్రాఫర్ కార్తీక్ ఘట్టమనేని డైరెక్షన్ లో వచ్చిన ఈ మూవీ ఫుల్ లెంత్ యాక్షన్‌ తో కూడింది. ఈ మూవీని సంక్రంతి బరిలో నిలిపేందుకు మేకర్స్ వేగంగా షూటింగ్ కంప్లీట్ చేశారు. అయితే ఆ సమయంలో బెర్త్ కన్ఫమ్ కాకపోవడంతో వెనక్కు తగ్గాల్సి వచ్చింది. ఫిబ్రవరి 9వ తేదీ రిలీజ్ చేస్తున్నట్లు మేకర్స్ ప్రకటించారు. ఇక, రిలీజ్ డేట్ దగ్గర పడడంతో ఈ మూవీ యూనిట్ ప్రమోషన్ కార్యక్రమాలను స్పీడ్ చేసింది. ఇలా ఇప్పటికే కొన్ని ఈవెంట్లు, ఇంటర్వ్యూలను పూర్తి చేసింది.
అదిరిపోయే స్టోరీ, హైఓల్టేజ్ యాక్షన్‌ తో ‘ఈగల్’ విడుదల కాబోతోంది. ఇటీవలే ఈ చిత్రాన్ని సెన్సార్ బోర్డ్ సభ్యులు చూశారు. U/A సర్టిఫికెట్‌ కూడా జారీ చేశారు. రవితేజ – కార్తీక్ కాంబోలో రూపొందిన ‘ఈగల్’ రన్ టైం వివరాలు కూడా బయటకు వచ్చాయి. ఈ మూవీ 2 గంటల 38 నిమిషాల (158 నిమిషాలు) రన్ టైం ఉండబోతోందని తెలిసింది. దీన్ని వీక్షించిన సెన్సార్ బోర్డ్ సభ్యులు ఫిదా అయ్యారట. క్లైమాక్స్‌ అదిరిపోయేలా ఉందని చెప్పారని టాక్.
‘ఈగల్’ మూవీని ‘పీపుల్స్ మీడియా ఫ్యాక్టరీ’ బ్యానర్‌పై టీజీ విశ్వప్రసాద్ నిర్మించారు. వివేక్ కూచిబొట్ల కొ ప్రొడ్యూసర్ గా వ్యవహరించారు. దీనికి దేవ్‌జాంద్ సంగీతాన్ని సమకూర్చారు. ఇందులో అనుపమ పరమేశ్వరన్, నవదీప్, శ్రీనివాస్ అవసరాల, మధు బాల, కావ్య తాపర్ సహా ఎంతో మంది ప్రముఖులు కనిపించనున్నారు.