Sonia : దుమ్ములేపిన యాష్మీ.. తగ్గెదేలే అన్న సోనియా నామినేషన్స్ లో వెరీ బిగ్ ఫైట్

Bigg Boss Sonia

Bigg Boss Sonia : బిగ్ బాస్ సీజన్ 8లో వెరీ ఎమోషనల్ నామినేషన్స్ ఎపిసోడ్ నాలుగో వారం సోమవారం జరిగింది. ఇందులో సోనియా, యాష్మీల మధ్య ఫుల్ హీట్ డిస్కషన్ చోటు చేసుకుంది. సోనియా, యాష్మీ ఒకరిపై ఒకరు నీది తప్పంటే నీది తప్పని వాదించుకున్నారు. నిఖిల్, పృథ్వీలను అడ్డు పెట్టుకుని గేమ్ ఆడుతున్నావ్.. అంటూ యాష్మీ సోనియాపై మండిపడింది. గేమ్ ఆడటం రాదు. మగవాళ్లను అడ్డు పెట్టుకుని గేమ్ ఆడుతున్నావ్.. అని ఏకిపారేసింది.

కాగా నువ్వు ఏ దృష్టితో చూస్తే అదే విధంగా కనిపిస్తుందని యాష్మీపై సోనియా కూడా నిప్పులు చెరిగింది. ఇలా సోనియా, యాష్మీలు ఇద్దరు బిగ్ బాస్ హౌస్ ను రణరంగం చేసేశారు. ఆ తర్వాత కూడా సోనియా, యాష్మీ ఇద్దరు మళ్లీ హౌస్ లో పొట్లాట పెట్టుకున్నారు. సోనియా ఇప్పటికే బిగ్ బాస్ హౌస్ లో కంటెస్టెంట్ లపై నోరు పారేసుకుంది. విష్ణు ప్రియను అడల్ట్ రేటెడ్ కామెడీ అని ఇష్టమొచ్చినట్లు మాట్లాడింది.  దీంతో నాగార్జున కూడా మందలించారు.

అయితే ఫిజికల్ గేమ్స్ ఆడకుండా నిఖిల్, పృథ్వీలను అడ్డు పెట్టుకుంటున్నావని యాష్మీ పాయింట్ రేజ్ చేసింది. అయితే దీనికి సోనియా కూడా దీటుగానే సమాధానం చెప్పింది. నిన్ను, ప్రేరణను ఆపింది ఎవరో తెలుసా? నేను కాదా.. ఓ అప్పుడు నన్ను నువ్వు చూడలేదా అంటూ మండిపడింది. అయితే నిఖిల్, పృథ్వీని తమ్ముళ్లు అంటూ వారిమీదే ఎక్కడ పడితే అక్కడ చేతులు వేస్తున్నావ్ అంటూ యాష్మీ అనడంతో ఒక్కసారిగా హౌస్ లో ఉన్న కంటెస్టెంట్ లతో పాటు అందరూ షాక్ కు గురయ్యారు.

సోనియా మాత్రం నేను గేమ్ ఆడుతున్నది మాత్రం చూడటం లేదు కానీ కేవలం వారిపైన చేతులు వేస్తున్నానా.. వీరిపైన చేతులు వేస్తున్నానా అంటూ వారి ఇద్దరి గురించే నువ్వు ఆలోచిస్తున్నవు.. అంటూ యాష్మీ గురించి మాట్లాడింది. దీంతో నేను అలాంటిదానినా అంటూ కంటతడి పెట్టుకుంది.