Rajendranagar : రాజేంద్రనగర్ లో డ్రగ్స్ కలకలం

Rajendranagar

Rajendranagar : రంగారెడ్డి జిల్లా రాజేంద్రనగర్ లో డ్రగ్స్ కలకలం రేపింది. సన్ సిటీ దగ్గర 270 గ్రాముల MDMS డ్రగ్స్NDPS ను శంషాబాద్ ఎక్సైజ్ పోలీసులు సీజ్ చేశారు. మే 30వ తేదీ గురువారం సన్ సిటీ దగ్గర డ్రగ్స్ విక్రయిస్తున్న యువకుడితో పాటు మహిళను ఎక్సైజ్ పోలీసులు రెడ్ హ్యాండెడ్ గా పట్టుకున్నారు. నిందితులు ఇద్దరు మహారాష్ట్ర, మధ్యప్రదేశ్ కు చెందిన వారిగా గుర్తించిన పోలీసులు వారిని అరెస్టు  చేసి పోలీస్ స్టేషన్ కు తరలించారు. ఓ ఈవెంట్ మేనేజర్ కు డ్రగ్స్ విక్రయిస్తుండగా పట్టుకున్నట్లు పోలీసులు తెలిపారు. ఎన్ డీపీఎస్ యాక్ట్ కింద కేసు నమోదు చేసి దర్యాప్తు చేస్తున్నామని శంషాబాద్ ఎక్సైజ్ పోలీసులు తెలిపారు.

సంగారెడ్డి జిల్లా పటాన్ చెరు మండలంలో గంజాయి పట్టుబడింది. నందిగామ గ్రామంలో గంజాయి విక్రయిస్తున్న వంశీ (25) ని పటాన్ చెరు ఎక్సైజ్ పోలీసులు అదుపులోకి తీసుకున్నారు. నిందితుడు వంశీ దగ్గర ఉన్న 330 గ్రాముల ఎండు గంజాయిని సీజ్ చేశారు. యువకుడితో పాటు స్కూటీని పోలీసులు స్వాధీనపర్చుకున్నారు. కేసు నమోదు చేసి దర్యాప్తు చేస్తున్నారు.