Hyderabad : హైదరాబాద్ లో డ్రగ్స్ పట్టివేత.. ఐదుగురు అరెస్టు

Drugs in Hyderabad

Hyderabad : హైదరాబాద్ బహదూర్ పురలో డ్రగ్స్ ముఠాని నార్కోటిక్ బ్యూరో పోలీసులు అరెస్టు చేశారు. ఐదుగురు నిందితుల్ని అదుపులోకి తీసుకున్నారు. నిందితుల నుంచి రూ.4 లక్షల విలువైన 34 గ్రాముల ఎండీఎంఏ స్వాధీనం చేసుకున్నారు. ప్రధాన నిందితుడైన సయ్యద్ ఫైసల్ పై గతంలో డ్రగ్స్ కేసులు ఉన్నట్లు పోలీసులు గుర్తించారు.

అయితే ఇటీవల జైలు నుంచి వచ్చిన సయ్యద్ ఫైసల్ భార్య, ఫ్రెండ్స్ తో డ్రగ్స్ దందా చేస్తున్నట్లు చెప్పారు. నాలుగేళ్లుగా సయ్యద్ దంపతులు డ్రగ్స్ విక్రయిస్తున్నట్లు పోలీసుల విచారణలో తేలింది. రేవ్ పార్టీలతో పాటు పబ్బులకు డ్రగ్స్ సరఫరా చేస్తున్నారు. ఫైసల్ దంపతులు తరచుగా బెంగళూరు వెళ్లేవారు. బెంగళూరు పీఎన్ టీ కాలనీలో ఉండే స్నేహితుడి సహకారంతో అక్కడి స్మగ్లర్స్ వద్ద ఎండీఎంఏ డ్రగ్స్ ను తక్కువ ధరకు కొనుగోలు చేసేవారు. అక్కడి నుంచి సరుకును నగరానికి తెచ్చి తన ముఠాలోని స్నేహితుల సహకారంతో హైదరాబాద్ లో విక్రయించేవారు.