NTR – War2 : వార్ 2 మూవీలో ఎన్టీఆర్ క్యారెక్టర్ పై అనుమానాలు.. సెకండ్ హిరోనా అంటూ అభిమానుల పెదవి విరుపు

Hrithik Roshan and NTR – War2

NTR – War2 : జూనియర్ ఎన్టీఆర్ ప్రస్తుతం తెలుగులో దేవర అనే మూవీ షూటింగ్ లో బిజి బిజీగా గడుపుతున్నాడు. ఈ సినిమా తర్వాత వార్ 2 సినిమాకు సైన్ చేశాడు. వార్ 2 పాన్ ఇండియా మూవీ. ఇందులో బాలీవుడ్ అగ్ర హిరో హృతిక్ రోషన్ నటిస్తున్నాడు. అయితే ఇందులో జూనియర్ ఎన్టీఆర్ కూడా హిరోగా నటిస్తున్నట్లు సమాచారం. అయితే సెకండ్ హిరో అని కొంతమంది అంటుంటే.. మరికొందరేమో విలన్ క్యారెక్టర్ అంటూ ప్రచారం చేస్తున్నారు.

ఈ సినిమాకు సంబంధించిన షూటింగ్ షెడ్యూల్ ని సక్సెస్ ఫుల్ గా పూర్తి చేసిన ఎన్టీఆర్ మరో షెడ్యూల్ కోసం తయారుగా ఉన్నారని తెలుస్తోంది. అయితే వార్ 2 మూవీలో జూనియర్ ఎన్టీఆర్ కంటే హృతిక్ రోషన్ దే కీలక పాత్ర అని అంటున్నారు. ఇలా ఉంటే మాత్రం ఎన్టీఆర్ ఇమేజ్ డ్యామేజ్ అయినట్లేనని చాలా మంది దర్శక నిర్మాతలు అంటున్నారు.

బాలీవుడ్ సినిమాల్లో తెలుగు హిరోలను డామినేట్ చేయాలని చూస్తుంటారు. వార్ 2 సినిమాలో ఎన్టీఆర్ కంటే హృతిక్ రోషన్ క్యారెక్టర్ రోల్ ఎక్కువగా ఉండబోతుందని టాక్ వినిపిస్తోంది. అయితే ఇవన్నీ రూమర్స్ మాత్రమే.. అసలు సినిమాలో ఎన్టీఆర్ కంటే హృతిక్ రోషన్ క్యారెక్టర్ ఎక్కువగా ఉంటుందనే వార్తలపై సినిమా యూనిట్ గానీ, ఎన్టీఆర్ గానీ ఎక్కడా రివీల్ చేయలేదు.

అయితే బాలీవుడ్ వాళ్లు ఎన్టీఆర్ ఇమేజ్ ను దెబ్బ తీయాలని చూస్తున్నారని ఫ్యాన్స్ ఆందోళన చెందుతున్నారు. వార్ 2 సినిమాతో ఎన్టీఆర్ కి ఒరిగేదేమీ లేదని చాలా మంది అనుకుంటున్నారు. కానీ ఈ భారీ బడ్జెట్ మూవీతో పాటు హిందీ ప్రేక్షకులకు ఎన్టీఆర్ నేరుగా పరిచయమవుతున్నారని దీంతో ఎన్టీఆర్ అంటే అందరికీ గుర్తుండిపోతుందని చెబుతున్నారు. జూనియర్ ఎన్టీఆర్ కు దేవర, వార్ 2 రెండు కెరీర్ ను మరింత ముందుకు తీసుకెళతాయని అనుకుంటున్నారు.