Double Smart : 100 డేస్ లో ‘డబుల్ ఇస్మార్ట్’.. డేట్ ఫిక్స్ చేసిన పూరి

Double Smart

Double Smart : రామ్ పోతినేని, పూరి జగన్నాథ్ కాంబోలో వచ్చిన భారీ బ్లాక్ బస్టర్ మూవీ ‘ఇస్మార్ట్ శంకర్’. ఈ మూవీకి సీక్వెల్ ను దర్శకుడు పూరి జగన్నాథ్ ఎప్పుడో ప్రారంభించారు. దీని షూటింగ్ శరవేగంగా కొనసాగుతున్న నేపథ్యంలో 8 మార్చి, 2024లో రిలీజ్ చేస్తున్నట్లు ప్రకటించారు. ఆ రోజు మహాశివరాత్రి పర్వదినం ఉండడంతో మహా శివుడి ఆశీస్సులు కూడా ఉంటాయని చెప్పారు.

100 డేస్ టూ గో పోస్టర్ ను రీసెంట్ గారిలీజ్ చేశారు. ఈ పోస్టర్ లో రామ్ పోతినేని మునుపెన్నడూ చూడని మాస్ లుక్ లో కనిపించాడు. దిమాక్ ఖరాబ్ మూమెంట్. ఫిజికల్ మేకోవర్ చేయించుకున్న ఈ నటుడు షేడ్స్ ఉన్న ఫ్యాషనబుల్ హెయిర్ స్టైల్ లో కనిపిస్తున్నాడు. ఈ పోస్టర్ లో రామ్ భుజంపై తుపాకీతో కనిపిస్తున్నాడు, అతని వెనుక అనేక తుపాకులు మనకు కనిపిస్తాయి.

ప్రీక్వెల్ కంటే రామ్ పాత్ర క్రేజీగా ఉండబోతుందని, సీక్వెల్ లో ఎక్కువ యాక్షన్ ఉంటుందని ఈ పోస్టర్ ద్వారా స్పష్టమవుతోంది.ఈ మాస్ యాక్షన్ ఎంటర్ టైనర్ లో సంజయ్ దత్ మెయిన్ విలన్ గా కనిపించబోతున్నాడు. పూరి కనెక్ట్స్ నిర్మిస్తున్న ఈ చిత్రానికి మణిశర్మ సంగీతం అందిస్తున్నారు.

ప్రీక్వెల్ కంటే సీక్వెల్ మరింత మంది ఆడియన్స్ కు కనెక్ట్ అవుతుందని పూరి ఇటీవల ఇంటర్వ్యూలలో చెప్పుకచ్చాడు. ఈ మూవీతో మళ్లీ ఇండస్ట్రీలో టాప్ ప్లేస్ లోకి వెళ్లాలని అనుకుంటున్నాడు. దాని కోసం ఆయన నిరంతరం కష్టపడుతున్నాడని ఇండస్ట్రీ వర్గాలు పేర్కొంటున్నాయి.