Double Ismart Teaser
Double Ismart Teaser : 2019 లో విడుదలైన ఇస్మార్ట్ శంకర్ పూరి జగన్నాథ్ కు ఊపిరి పోసింది. ఎన్నో గొప్ప సినిమాలను తీసిన ఆయనకు వరుసగా ప్లాప్స్ రావడంతో ఏం చేయాలో తోచని సమయంలో హిరో రామ్ అండగా నిలిచాడు. మాస్ ఎంటర్ టైనర్ గా తీసిన ఇస్మార్ట్ శంకర్ ప్రేక్షకులను మెప్పించింది. రామ్ ఊర మాస్ డైలాగ్ లు ఫ్యాన్స్ ను ఆకట్టుకున్నాయి. దీంతో ఈ మూవీ హిట్ గా నిలిచింది.
ఇస్మార్ట్ శంకర్ విజయం సాధించడంతో మళ్లీ ఇస్మార్ట్ శంకర్ 2 తీయాలని పూరి అనుకున్నారు. పూరి, చార్మి ఇద్దరు కలిసి నిర్మించిన ఇస్మార్ట్ శంకర్ వారికి లాభాలను తెచ్చిపెట్టింది. మొత్తం 75 కోట్లకు పైగా కలెక్ట్ చేసి వారిని నష్టాల్లోంచి బయటపడేసింది. ఇలా పూరికి రామ్ అంటే ఎంతో ఇష్టం ఏర్పడింది. దీంతోనే నెక్ట్స్ సినిమా కూడా రామ్ తో చేయాలని ఆయన అనుకున్నారు.
డబుల్ ఇస్మార్ట్ టీజర్ కూడా అదే స్థాయిలో ఉంది. టీజర్ నిమిషంన్నర సేపు ఉన్నా అందులో రామ్ అదరిపోయే మాస్ లుక్స్ లో కట్టిపడేసేలా ఉన్నాడు. సంజయ్ దత్ విలన్ గా సినిమాను వేరే లెవల్ కు తీసుకెళ్లేలా కనిపిస్తున్నాడు.
రామ్ మాస్ డైలాగ్స్ తో అదరగొట్టేశాడు. ఊర మాస్ డైలాగ్స్ ను ఇందులో పెట్టినట్లు తెలుస్తోంది. డైలాగ్స్ లో డబుల్ మీనింగ్ కూడా బాగానే యాడ్ చేసినట్లు తెలుస్తోంది. ఇస్మార్ట్ శంకర్ లో కాస్త క్రాక్ చూపించే రామ్ పోతినేని ఇప్పుడు డబుల్ క్రాక్ చూపించేందుకు సిద్ధమైనట్లు కనిపిస్తోంది. 1988 మే 15న జన్మించిన రామ్ పోతినేని బర్త్ డే ఈ రోజు కావడంతో ఆయన నటించిన డబుల్ ఇస్మార్ట్ టీజర్ ను పుట్టినరోజు కానుకగా ప్రేక్షకుల ముందుకు తీసుకొచ్చారు. ఈ మూవీలో అలీ మళ్లీ తన హస్యంతో అందరినీ కడుపుబ్బా నవ్వించనున్నాడని టాక్.
