MM Keeravani
MM Keeravani : ప్రపంచ వ్యాప్తంగా కల్కి 2898 ఏడీ సినిమా రికార్డులు క్రియేట్ చేస్తుంది. ప్రభాస్ హీరోగా.. నాగ్ అశ్విన్ దర్శకత్వంలో తెరకెక్కిన ఈ సినిమా భారీ కలెక్షన్లతో దూసుకుపోతుంది. కేవలం నాలుగు రోజుల్లోనే దాదాపు రూ. 500 కోట్లను కలెక్ట్ చేసి రికార్డులు సృష్టిస్తోంది. నార్త్ లో కూడా రికార్డు క్రియేట్ చేసే దిశగా దూసుకుపోతుంది. ఇప్పటికే నార్త్ ఇండియాలో వంద కోట్లకు పైగా వసూలు చేసి రికార్డు బ్రేక్ చేసింది.
మహాభారత నేపథ్యంలో తెరకెక్కిన ఈ మూవీలో అమితాబ్ బచ్చన్, కమల్ హసన్ కీలక పాత్రలు పోషించారు. టాలీవుడ్ హీరోలు, డైరెక్టర్లు, నిర్మాతలు, ఆర్టిస్టులు కల్కి మూవీ విజయంపై సంబరాలు చేసుకుంటున్నారు. దీంతో నాగ్ అశ్విన్ పై సర్వత్రా ప్రశంసలు కురిపిస్తున్నారు. హాలీవుడ్ సినిమాలను తలపించేలా సీన్లను క్రియేట్ చేశారు. కాగా కల్కి సినిమాను చాలా పార్టులుగా తీసుకురానున్నట్లు తెలుస్తోంది. పార్ట్ 2 కి సంబంధించి హింట్ ఇచ్చి ఫస్ట్ పార్ట్ ను ముగించాడు. ఇటీవలే నిర్మాత అశ్విని దత్ కల్కి పార్ట్ 2 గురించి కూడా కొన్ని కీలక కామెంట్స్ చేశాడు.
అయితే తాజాగా కల్కి 2 మూవీకి సంబంధించి మ్యూజిక్ డైరెక్టర్ మారుతున్నాడని తెలుస్తోంది. కల్కి ఫస్ట్ పార్ట్ సినిమాకు సంతోష్ నారాయణ సంగీతం అందించగా.. బ్యాగ్రౌండ్ మ్యూజిక్ బాగున్నప్పటికీ ఇంకా ఈ మూవీకి ఎంతో మ్యూజిక్ ఇవ్వొచ్చు అంటూ అభిమానులు అభిప్రాయం వ్యక్తం చేస్తున్నారు. చాలా మందికి అదే ఫీల్ కలిగిందని అనుకుంటున్నారు. ప్రభాస్ సినిమాకు ఈ మ్యూజిక్ సరిపోదని అంటున్నారు. కొడితే దిమ్మతిరిగి బొమ్మ కనిపించాలని ఆ రేంజ్ లోనే మ్యూజిక్ ఉండాలని కోరుకుంటున్నారు.
అయితే సంతోష్ ను కాదని కీరవాణిని తీసుకునే అవకాశాలు ఎక్కువగా కనిపిస్తున్నాయి. కీరవాణికి మహాభారతం పై మైథాలజీ మూవీపై పట్టు ఉండటం, ముఖ్యంగా బాహుబలి లాంటి పెద్ద సినిమాలకు మ్యూజిక్ అందించడం, కల్కి రెండో పార్టు ఎక్కువగా మహాభారతంకు సంబంధించిన సీన్లు ఉండనున్న నేపథ్యంలో మ్యూజిక్ డైరెక్టర్ ను మార్చడం తప్పనిసరిగా కనిపిస్తోంది.