OG Official Release Date : ఓజీ అదికారిక విడుదల ఎప్పుడో తెలుసా?

OG Official Release Date : పవన్ కల్యాణ్ గురించి ఎంత చెప్పినా తక్కువే. తన సినిమాలంటే ఓ పిచ్చి. ప్రేక్షకులకు పండగే. ప్రస్తుతం సినిమాలు, రాజకీయాలు రెండింటిలో సమాన ప్రాతినిధ్యం వహిస్తున్నారు. రెండు పవడల మీద కాళ్లు పెట్టి ప్రయాణం చేస్తున్నారు. పవన్ కల్యాణ్ సుజిత్ దర్శకత్వంలో వస్తున్న సినిమా ఓజీ (ఒరిజినల్ గ్యాంగ్ స్టర్)సినిమా వస్తోంది. దీన్ని డీవీవీ ఎంటర్ టైన్ మెంట్ బ్యానర్ పై దానయ్య నిర్మిస్తున్నారు. ప్రియాంక మోహన్ హీరోయిన్ గా చేస్తోంది. అర్జున్ దాస్, ప్రకాష్ రాజ్, శ్రీయారెడ్డి, అమ్రాన్ హస్మీ, హరీష్ ఉత్తమన్, అభిమన్యు సింగ్, అజయ్ ఘోష్ వంటి వారు ఇతర పాత్రల్లో నటించారు.

మాఫియా నేపథ్యంలో వస్తున్న ఈ సినిమాపై అంచనాలు భారీగానే ఉన్నాయి. సినిమా రెగ్యులర్ షూటింగ్ ను ముంబయిలో ప్రారంభించి సగం వరకు పూర్తి చేశారు. సినిమా త్వరలోనే పూర్తి కాబోతున్నట్లు తెలుస్తోంది. సినిమా విడుదల తేదీ అధికారికంగా ఖరారు చేశారు. ఇంతకు ముందు సినిమా సాహో పరాజయం కావడంతో ఈ సినిమాను విజయవంతం చేయాలని భావిస్తున్నట్లు చెబుతున్నారు.

పవన్ కల్యాణ్ హీరోగా రాబోతున్న ఓజీ సినిమాను సెప్టెంబర్ 27న ప్రపంచ వ్యాప్తంగా విడుదల చేయబోతున్నట్లు సమాచారం. డీవీవీ ఎంటర్ టైన్ మెంట్స్ ఎక్స్ వేదికగా ప్రకటించింది. దీంతో పవన్ కల్యాణ్ అభిమానులు సంబరపడిపోతున్నారు. తమ అభిమాన హీరో సినిమా త్వరలోనే రాబోతుందని సంతోషం వ్యక్తం చేస్తున్నారు.

పవన్ కల్యాణ్ గత చిత్రం బ్రో అంతగా ఆడలేదు. డిజాస్టర్ గా మిగిలింది. త్రివిక్రమ్ పంచ్ లు పేలలేదు. అసలు పంచ్ లే లేవు. తమ అభిమాన హీరో పవన్ కల్యాణ్ నటన అంటే అందరికి ఎంతో ఇష్టం. అందుకే ఆయన సినిమాలంటే ఓ పట్టాన ఉండరు. దాని కోసమే కలలు కంటారు. ఎప్పుడు వస్తుందోననే ఆశతో ఉంటారు. సినిమా వస్తే ఇక పండగే.