AVS : ఏవీఎస్ కూతురు, అల్లుడు సినీ ఇండస్ట్రీలో ఎం చేస్తుంటారో తెలుసా.

AVS

AVS : తెలుగు సినిమాల్లో కామెడీది ప్రధాన పాత్ర. ముఖ్యంగా డజను మందికి పైగా కమెడియన్లు ఒక్కో సినిమాలో యాక్ట్ చేసిన సందర్బాలు కూడా ఉన్నాయి. తెలుగులో పేరు మోసిన కమెడియన్లలో ఏవీఎస్ ఒకరు. ఏవీఎస్ పూర్తి పేరు. ఆమంచి వెంకట సుబ్రహ్మణ్యం. తెలుగులో శుభలగ్నం సినిమాలో ఆయన చేసిన క్యారెక్టర్ కు ప్రశంసల వర్షం కురిసింది. ఆ తర్వాత ఆయన వెనుదిరిగి చూసుకోలేదు. టాలీవుడ్ ఇండస్ట్రీలో తన కంటూ ప్రత్యేకమైన పేరు సంపాదించుకున్నారు. నటుడిగానే కాకుండా నిర్మాతగా, దర్శకుడిగా, క్యారెక్టర్ ఆర్టిస్టుగా, కమెడియన్ గా ఇలా అన్ని రంగాల్లో రాణించారు. వెంకీ సినిమాలో బొక్క క్యారెక్టర్ మాత్రం యువతరం ఎప్పటికీ మరిచిపోదు. అంతలా పేరు ప్రఖ్యాతలు సంపాదించిన ఏవీఎస్ అనారోగ్యంతో 2013 సంవత్సరంలోనే మరణించారు.

ఏవీఎస్ కూతురు కూడా బుల్లితెర రంగంలో రాణిస్తోంది. అల్లుడు కూడా సినిమా ఇండస్ట్రీకి చెందిన వారే కావడం విశేషం. అయితే సినిమాల్లో రాణిస్తున్న సమయంలోనే ఏవీఎస్ అనారోగ్యానికి గురికాగా.. ఒకసారి కూతురు లివర్ ట్రాన్స్ ఫ్లాంటేషన్ ద్వారా లివర్ ను డొనేట్ చేసింది. అనంతరం కొన్ని రోజులు బతికిన ఏవీఎస్ ఆ తర్వాత చనిపోయారు.

ఏవీఎస్ కూతురు శ్రీ ప్రశాంతి బుల్లితెర ఇండస్ట్రీలో తనకంటూ ప్రత్యేకమైన గుర్తింపు తెచ్చుకుంది. ఎన్నో సీరియల్స్ లో కీలకపాత్రలు పోషించి ప్రేక్షకులక దగ్గరైంది. ప్రస్తుతం క్యారెక్టర్ ఆర్టిస్టుగా బిజీగా మారిపోయింది. చాలా సినిమాల్లో నటించి మెప్పించింది. శ్రీ ప్రశాంతికి ప్రత్యేకంగా యూట్యూబ్ చానల్ ఉంది. ఇందులో తండ్రితో దిగిన ఫొటోలు, ఇతర విశేషాలు శ్రీ ప్రశాంతి పంచుకుంటుంది.

శ్రీ ప్రశాంతి బుల్లితెర నటుడు శ్రీనివాస్ ను పెళ్లి చేసుకుంది. యాక్టర్ చింటు అలియాస్ శ్రీనివాస్  తెలుగు, తమిళం భాషల్లో అనేక సినిమాలు, సీరియల్స్ లో క్యారెక్టర్ ఆర్టిస్టుగా విలన్ గా కనిపించారు.ప్రస్తుతం చేతి నిండా సినిమాలతో ఇండస్ట్రీలో బిజీ ఆర్టిస్టుగా వీరు కొనసాగుతుండగా.. శ్రీప్రశాంతి పోస్టు చేసిన కొన్ని ఫొటోలు వైరల్ గా మారాయి.