Ka Movie : ’క‘ మూవీ మలయాళ హక్కులు దక్కించుకున్న యువ నటుడు ఎవరో తెలుసా?

Ka Movie : తెలుగు మూవీల్లో అనేక కథలతో సినిమాలు వస్తుంటాయి. అందులో కొన్ని గుర్తుండిపోయేు మూవీస్ ఉన్నాయి. ఈ మధ్య కాలంలో విలక్షణమైన కథతో వచ్చి ప్రేక్షకులను కట్టిపడేసిన మూవీ ఏదైనా ఉందంటే ‘క’ అని చెప్పొచ్చు.  కిరణ్ అబ్బవరం హీరోగా వచ్చిన  క సినిమా గత వారం రిలీజ్ అయి ప్రేక్షకుల్లో విశేషమైన ఆదరణను సంపాదించుకుంటోంది. ఈ సినిమాతో ఒక్కసారిగా కిరణ్ అబ్బవరం తన సత్తా ఎంటో నిరూపించుకున్నారు. మొదటి నుంచి తాను యాక్టింగ్ కోసం ఎంత కష్టపడ్డాడో ఈ సినిమాలో చూపించాడు.

గతంలో ఆయన నటించిన సినిమాలతో పోల్చుకుంటే ఈ సినిమాలో మరో రేంజ్ లో యాక్ట్ చేసి అదరగొట్టాడు. కిరణ్ యాక్టింగ్ చాలా వరకు మెరుగుపడింది. ఫ్రీ రిలీజ్ ఫంక్షన్ లో కిరణ్ చెప్పిన విషయాలు అందరూ గుర్తుపెట్టుకున్నారు. వీడు ఎక్కువ మాట్లాడుతున్నాడు అని సోషల్ మీడియాలో కామెంట్స్ పెట్టారు. కానీ సినిమా రిలీజ్ అయ్యాక బాబోయ్ ఇలాంటి మూవీని కథను ఇప్పటి వరకు చూడలేదు అని వారే కామెంట్స్ చేసి మెచ్చుకుంటున్నారు. సరికొత్త కథతో సాగిన ఈ మూవీలో అనేక ట్విస్టులు ఉన్నాయి. ప్రేక్షకులు ఈ ట్విస్టులకు దాసోహం అయ్యారు.

కాగా ఈ సినిమా తెలుగులో విజయం సాధించడంతో మలయాళంలో స్టార్ హీరో దుల్కర్ సల్మాన్  ఈ సినిమా రైట్స్ దక్కించుకున్నాడు. దుల్కర్ సల్మాన్ ఇప్పటికే లక్కీ భాస్కర్ మూవీలో తెలుగు ప్రేక్షకులను పలకరించారు. ఒక యంగ్ హీరో మలయాళంలో తెలుగు మూవీని రిలీజ్ చేయాలని హక్కులు తీసుకోవడం చాలా వరకు సంతోషించాల్సిన విషయమే.

కాగా మలయాళంలో ఈ సినిమాను విడుదల చేయలేదు. దీంతో ఆ హక్కుల్ని సొంతం చేసుకున్న దుల్కర్ సల్మాన్ ఈ సినిమాను అక్కడ విడుదల చేయనున్నాడు. కథకు ప్రాధాన్యం ఇచ్చే సినిమాలు కేరళలో ఇప్పుడు ఎక్కువగా వస్తున్నాయి. గతేడాది కాలంగా ఎక్కడ చూసిన ఓటీటీలో మలయాళ మూవీలే దర్శనమిచ్చాయి.