Mahesh Babu Restaurant : మహేష్ బాబు రెస్టారంట్ ఒక్క రోజు ఆదాయం ఎంతో తెలుసా!

Mahesh Babu Restaurant income per day

Mahesh Babu Restaurant : సినీ తారలు ఒక సినిమాలు మరియు యాడ్స్ చేస్తూ, వ్యాపార రంగం లో కూడా రాణిస్తున్న సంగతి అందరికీ తెలిసిందే. కానీ వ్యాపారాలు మొదలు పెట్టిన హీరోలందరూ సక్సెస్ అయిపోలేదు, కేవలం కొంతమంది మాత్రమే అయ్యారు, ఆ కొంతమందిలో ఒకడు సూపర్ స్టార్ మహేష్ బాబు. ఆయనకీ ఉన్న ఎన్నో వ్యాపారాలు ఉన్నాయి, వాటిని ఆయన సతీమణి నమ్రత శిరోడ్కర్ పర్యవేక్షిస్తూ ఉంటుంది. కొన్నేళ్ల క్రితం మహేష్ బాబు ఏషియన్ సినిమాస్ తో చేతులు కలిపి హైదరాబాద్ లోని గచ్చిబౌలి ప్రాంతం లో ‘ఏఎంబీ సినిమాస్’ ని స్థాపించాడు.

ఈ మల్టీప్లెక్స్ ఇప్పుడు హైదరాబాద్ లో ఒక బ్రాండ్ గా మారిపోయింది. చూస్తే ఇక్కడే సినిమా చూడాలి అనిపించేంత థియేట్రికల్ అనుభవం ని అందిస్తూ, నెంబర్ 1 మల్టీప్లెక్స్ గా కొనసాగుతుంది. ఈ వ్యాపారం పెద్ద సక్సెస్ అవ్వడం తో మళ్ళీ ఆయన ఏషియన్ గ్రూప్స్ తో బంజారా హిల్స్ ప్రాంతం లో ‘AN ప్యాలస్ హైట్స్’ అనే రెస్టారంట్ ని ప్రారంభించాడు.

ఈ రెస్టారంట్ ఇప్పుడు బంజారా హిల్స్ ప్రాంతం లో మంచి ప్రాచుర్యం చెందింది. మోస్ట్ లావిష్ అండ్ లగ్జరీ రెస్టారంట్ గా పేరు తెచ్చుకున్న ‘AN ప్యాలస్ హైట్స్’ లో ఉండే ఫుడ్ ఐటమ్స్ మొత్తం ఎంతో రుచికరంగా ఉంటాయి. మనం రోజు తినే ఐటమ్స్ తో పాటుగా, అన్నీ రకాల కాంటినెంటల్ ఐటమ్స్ ఈ రెస్టారంట్ లో అందుబాటులో ఉంటాయి. ఎదో ఒకసారి టేస్ట్ చేసి వద్దాం అని జేబులో వంద రూపాయిలు పెట్టుకొని వెళ్ళారనుకోండి, అక్కడ గ్లాస్ నీళ్లు కూడా రాదు. రెండు ఫుడ్ ఐటమ్స్ తింటే వెయ్యి రూపాయలకు పైగానే బిల్ పడుతుంది. అంత రేట్స్ పెట్టినా కూడా జనాలు ఎగబడి తింటున్నారు అంటే, ఆ రెస్టారంట్ లో ఉన్న ఐటమ్స్ ఎంత టేస్ట్ గా ఉంటాయో అర్థం చేసుకోవచ్చు.

ఈ రెస్టారంట్ నుండి ఒక రోజుకి 8 నుండి 12 లక్షల రూపాయిల ఆదాయం వస్తుందట. అంటే నెలకు మూడు కోట్ల రూపాయిల పైమాటే. ఈ రెస్టారంట్ నుండి వచ్చే ఒక రోజు వసూళ్లతో మధ్య తరగతి కుటుంబానికి చెందిన వాడు ఒక ఇల్లు కట్టేయొచ్చు. ప్రస్తుతం ఈ రెస్టారంట్ కి సంబంధించిన ఆదాయం విషయం సోషల్ మీడియా లో హాట్ టాపిక్ గా మారింది. మహేష్ ఏది పట్టుకున్న అది బంగారం అయిపోతుంది అంటూ ఆయన అభిమానులు కామెంట్స్ చేస్తున్నారు.