Ritu Chaudhary
Ritu Chaudhary : ‘జ‌బ‌ర్దస్త్’ షో ఎంతోమందికి లైఫ్ ఇచ్చింది. ఆ షో ద్వారా వ‌చ్చిన పాపులారిటీతో సినిమాలు, సీరియ‌ళ్లలో అవకాశాలు దక్కించుకున్నారు. యాంక‌ర్లుగా మరి కొన్ని షోలకు హోస్టింగ్ చేస్తున్నారు. అలా పేరు, ఫేమ్ సంపాదించిన వారిలో రీతూ చౌదరి ఒకరు. ‘జ‌బ‌ర్దస్త్’ లో ఆది టీమ్ లో రీతూ చౌదరి వర్క్ చేసింది. ప్రస్తుతం పీపుల్స్ మీడియా ప్రొడక్షన్స్ లో ‘దావ‌త్’ అనే షోకి యాంక‌ర్ తనే. అలాగే సినిమాల్లో కూడా న‌టిస్తున్నది. కెరీర్ లో దూసుకుపోతున్న రీతూ చౌదరి ఇప్పుడు ల‌గ్జరీ కారు కొనుక్కొంది. ఆ విష‌యాన్ని సోష‌ల్ మీడియాలో షేర్ చేసింది రీతూ. తన తల్లితో క‌లిసి ఫ‌స్ట్ డ్రైవ్ కి వెళ్లింది.
రీతూ చౌదరి కొన్న కారు ఇప్పుడు ట్రెండింగ్ లో ఉన్నది. ఈ మ‌ధ్య కాలంలో సెల‌బ్రిటీలంతా ఈ కారుపై మక్కువ చూపుతున్నారు. ఆ కారు ఇన్నోవా క్రిస్టా హైబ్రిడ్ హైక్రాస్. కారు డెలివ‌రీ నుంచి పూజా కార్యక్రమాలు, అమ్మతో క‌లిసి ఫ‌స్ట్ డ్రైవ్ వీటన్నింటితో కలిపి వీడియో షేర్ చేసింది. దీంతో అంద‌రూ ఆమెకు విషెస్ చెబుతున్నారు. విష్ణు ప్రియ అయితే ల‌వ్ ఎమోజీ పెట్టి, దిష్టి త‌గ‌ల‌కుండా చూసుకో అంటూ కామెంట్ చేసింది. దివితో పాటు ఇంకొంత‌మంది ఇన్ స్టా ఇన్ ఫ్ల్యూయెన్సర్లు, జ‌బ‌ర్దస్త్ ఆర్టిసులు శుభాకాంక్షలు చెబుతున్నారు.
కారు ధర తెలిస్తే షాక్
ఈ కారు ధర తెలిసి అంద‌రూ షాకవుతున్నారు. వామ్మో! ఇంత డబ్బు పెట్టి ఖరీదైన కారు కొన్నదా అంటూ కామెంట్లు పెడుతున్నారు. ఇన్నో వా క్రిస్టా హై బ్రిడ్ హైక్రాస్ బేసిక్ మోడల్ ధర ఎక్స్ షోరూమ్ లో రూ.24.46 లక్షల దాకా ఉంది. ఇందులో హై ఎండ్ మోడల్ రూ.38.66 ల‌క్షలు. ఇన్నోవా క్రిస్టా హైక్రాస్ జెడ్ఎక్స్(ఓ) హైబ్రిడ్ టాప్ మోడల్ ఆన్ రోడ్ ధర దాదాపు రూ.45 లక్షల దాకా ఉంటుంది.
దావ‌త్ షో తో..
రీతూ చౌదరి చాలా సీరియ‌ల్స్ లో నటించింది. కొన్ని సినిమాల్లో చేసినా అవేమీ ఆమెకు గుర్తింపు తీసుకురాలేదు. జ‌బ‌ర్దస్త్ షో తో టీవీ ప్రేక్షకుల‌కు ద‌గ్గరైంది. ఇక సోష‌ల్ మీడియాలో ఎప్పుడూ యాక్టివ్ గా ఉంటుందీ బ్యూటీ. ఇటీవల దావ‌త్ షో ద్వారా ట్రెండింగ్ లోకి వ‌చ్చింది. ఆ షోకి వ‌చ్చే గెస్ట్ ల‌కు బోల్డ్ ప్రశ్నలు వేస్తూ, త‌న‌దైన శైలీలో షోపై ప్రేక్షకుల్లో ఇంట్రెస్ట్ పెంచుతున్నది. ఆమె న‌టించిన ‘ఆ ఒక్కటి అడ‌క్కు’ సినిమా ఈ మ‌ధ్యే విడులైంది. గుంటూరుకి చెందిన ఒక వ్యాపార‌వేత్తతో గత ఏడాది సీక్రెట్ గా పెళ్లి చేసుకుంద‌ని గాసిప్స్ కూడా వ‌చ్చాయి.