Devara
Devara : జూనియర్ ఎన్టీఆర్- జాన్వీ కపూర్‌ జంటగా నటించిన దేవర: పార్ట్ 1 విడుదలై వారం గడుస్తుంది. అయితే మొదటి రెండు రోజులు ఆశించిన ఫలితాలు వచ్చినా.. ఆదివారం కలెక్షన్లు తగ్గాయి. దసరా సెలువులు రావడంతో మేకర్స్ భారీ హోప్స్ పెట్టుకున్నారు. తప్పకుండా బాక్సాఫీస్ కలెక్షన్లను దక్కించుకుంటుందని అనుకుంటున్నారు. మొదటి రోజు 82.5 కోట్ల నికర వసూళ్లు సాధించింది. ఆ తర్వాతి రోజుల్లో ఆదాయం తగ్గుముఖం పట్టింది. మంగళవారం (గాంధీ జయంతి సెలవు) కావడంతో 21 కోట్ల ఆదాయంతో ఆశ్చర్యకరంగా 40% జంప్ చేసినప్పటికీ, గురువారం 65% పైగా పడిపోయి దేశీయ మార్కెట్‌లో రూ. 7.25 కోట్లకు పడిపోయాయి.
దేవర వారం నికర మొత్తం ఇప్పుడు రూ. 215.6 కోట్లకు చేరుకుంది, ప్రపంచ వ్యాప్తంగా దాని వసూళ్లు రూ. 405 కోట్లకు పైగా గ్రాస్ రాబట్టినట్లు మేకర్స్ చెప్తున్నారు. దీనికి సంబంధించి ఎక్స్ లో ట్వీట్ కూడా చేశారు. ఆర్ఆర్ఆర్ తర్వాత యంగ్ టైగర్ ఎన్టీఆర్ చేసిన సోలో మూవీ దేవర. ఈ వారాంతం కూడా మెరుగైన ఫలితాలనే దక్కించుకుంటుందని మేకర్స్ భావిస్తున్నారు.
దేవర విజయానికి ఎన్టీఆర్ భారీ ఫ్యాన్ ఫాలోయింగ్, జాన్వీ అట్రాక్షన్ కారణమని చెప్పవచ్చు. సినిమాలో పాటలు ఇప్పటికే చాట్ బస్టర్ గా మారాయి. ఎన్టీఆర్ ప్రదర్శన ప్రత్యేకంగా ప్రశంసించబడింది. కలెక్షన్లు తగ్గుముఖం పట్టడంతో సినిమా నిలకడపై ప్రశ్నలు తలెత్తుతున్నాయి. దసరా సెలవులు కాలిసి వచ్చే అంశమని తప్పకుండా భారీ విజయం సాధిస్తుందని సినీ విశ్లేషకులు, ట్రేడ్ వర్గాలు చెప్తున్నాయి.