Directors Day Event : ‘డైరెక్టర్స్ డే’ ఈవెంట్.. ఎప్పుడంటే.?

Directors Day Event

Directors Day Event : మే 4వ తేదీన దాసరి నారాయణరావు జయంతి. ఆయనపై గౌరవంతో ఆయన పుట్టిన రోజును డైరెక్టర్స్ డేగా జరుపుకుంటోంది సినిమా పరిశ్రమ. ఈరోజు ఎల్ బీ స్టేడియంలో భారీగా జరగాల్సిన ఈ ఉత్సవం ఎన్నికల వల్ల వాయిదాపడింది. ఇప్పుడు కొత్త తేదీని ప్రకటించారు. ఈనెల 19 సాయంత్రం హైదరాబాద్ లోని ఎల్ బీ స్టేడియంలో ఈవెంట్ నిర్వహించబోతున్నామని దర్శకుల సంఘం ప్రకటించింది. ఇప్పటికే ఆన్ లైన్ లో టికెట్ల విక్రయం కూడా మొదలైనట్లు సమాచారం.

ఈ ఉత్సవంలో దర్శకుడు రాజమౌళి, నాని కలిసి ఓ స్కిట్ చేయనున్నట్లు తెలుస్తోంది. హరిష్ శంకర్, బాబి లాంటి యువ దర్శకులు కూడా కొన్ని స్కిట్లు చేయబోతున్నారట. అనిల్ రావిపూడి, తమన్నాతో ఓ డాన్స్ షో ఉంటుందని, తమన్ ఆధ్వర్యంలో ఓ మ్యూజిక్ షో కూడా ఏర్పాటు చేయనున్నారని తెలుస్తోంది. ఆర్పీ పట్నాయక్, అనూప్ ల సంగీత విభావరి కూడా ఉండనుంది. ఈ కార్యక్రమానికి చిరంజీవిని ముఖ్య అతిథిగా ఆహ్వానించారు.