Director Vanga : రష్మిక ఆ సీన్ పై దర్శకుడు వంగా హాట్ కామెంట్స్.. ఏమన్నాడంటే?

Director Vanga Sandeep Animial Movie

Director Vanga Sandeep : రణ్‌బీర్ కపూర్, సందీప్ వంగా కాంబోలో వస్తున్న సినిమా ‘యానిమల్’ ట్రైలర్ విడుదలైనప్పటి నుంచి, హీరో రణబీర్ కపూర్ పైనే ఆడియన్స్ దృష్టి అంతా ఉంది. అతని సరసన రష్మిక మందన్న నటించింది. ఈ సినిమాలో ఆమె పళ్ళు బిగించి చెప్పిన డైలాగ్ ట్రైలర్ లో బాగా వైరల్ అయ్యింది.

దర్శకుడు, రచయిత సందీప్ వంగా ఈ సన్నివేశానికి వైరల్ రెస్పాన్స్ వస్తుందని ముందుగానే ఊహించినట్లు ఉన్నారు. అందుకే ఆ సీన్ పై తను ప్రేక్షకులతో పంచుకున్నారు. ఇండియా టుడేకు ఇటీవల ఇచ్చిన ఇంటర్వ్యూలో, వంగ ఈ సన్నివేశం భావోద్వేగ సందర్భాన్ని రష్మిక ఎందుకు పళ్ళు బిగించి మాట్లాడిందో వివరించాడు.

సందీప్ వంగా మాట్లాడుతూ ‘రష్మిక మందన్న ఎమోషనల్ సీన్ కాబట్టి ఫలానా విధంగా మాట్లాడాలని అనుకున్నారు. దానికి కొంత రియాక్షన్ వస్తుందని నాకు తెలుసు. ఎవరైనా ఏదో ఒక ఎమోషన్‌కు గురైనప్పుడు పళ్లు బిగించి మాట్లాడతారు. దాన్ని అలాగే ఉంచుకోవాలని అనుకుంటున్నాను. ట్రైలర్‌లో దీనికి బాగా వ్యూవ్స్ వచ్చాయి. మీరు ఈ సన్నివేశాన్ని సినిమాలో చూస్తే మరింత ఆకట్టుకుంటుంది.

ఆ సన్నివేశలంలో రష్మిక పళ్లు గట్టిగా బిగించి, రణబీర్‌తో, ‘అతను ఆ రోజు చనిపోవడం నేను నిజంగా కోరుకుంటున్నాను’ అని చెప్పింది. ఈ సినిమాలో తన పాత్ర సహజంగానే ఉందని రణబీర్ కపూర్ గతంలో ఒక ప్రచార కార్యక్రమంలో పేర్కొన్నాడు. సినిమా టైటిల్ గురించి ఆయన వివరిస్తూ, ‘ఒక్కసారి సినిమా చూస్తే మీకే అర్థమవుతుంది. సందీప్ రెడ్డి వంగా ఈ చిత్రానికి యానిమల్ అని ఎందుకు పేరు పెట్టాడో. మనిషి ఒక జంతువుగాప్రవర్తించడమే.’

సందీప్ రెడ్డి వంగా దర్శకత్వం వహించిన ఈ చిత్రంలో అనిల్ కపూర్ మరియు బాబీ డియోల్‌తో పాటు రణ్‌బీర్ మరియు రష్మిక నటించారు. రణ్‌బీర్ తండ్రిగా అనిల్ నటిస్తుండగా, రష్మిక హీరోయిన్ గా, బాబీ విలన్‌గా నటించాడు. డిసెంబర్ 1న విడుదల కానున్న ఈ చిత్రం హిందీ, తమిళం, తెలుగు, కన్నడ, మలయాళం అనే ఐదు భాషల్లో థియేటర్లలో రిలీజ్ కానుంది.