Anirudh
Anirudh : దేవర సినిమా భారీ సక్సెస్ సాధించడంతో జూనియర్ ఎన్టీఆర్ కు వరుసగా ఏడో సినిమా హిట్ అయింది. ఫిల్మ్ ఇండస్ట్రీలో ఇలా వరుసగా ఏడు సినిమాలు హిట్ అయిన హీరో చిరంజీవి తర్వాత ఎన్టీఆర్ అనే టాకు వస్తుంది. దేవర సినిమాని జూనియర్ ఎన్టీఆర్ ప్రతిష్టాత్మకంగా తీసుకున్నారు. ఈ చిత్రంలో శ్రీదేవి కూతురు జాన్వి కపూర్ హీరోయిన్ గా నటించింది .
దర్శకుడిగా కొరటాల శివ తన మార్కుని చూపించాడు. కొరటాల శివ ఆచార్య సినిమాతో చిరంజీవి లాంటి పెద్ద నటుడికే ఫ్లాప్ ఇచ్చారు. ఆ తర్వాత దేవర సినిమాని తెరకెక్కిస్తుండడంతో చాలా మంది అనుమానాలు వ్యక్తం చేశారు. జూనియర్ ఎన్టీఆర్ పరిస్థితి కూడా చిరంజీవి, రామ్ చరణ్ లాగా అయిపోతుందని అనుకున్నారు. కానీ కొరటాల మ్యాజిక్ చూపించారు. దేవర సినిమాని అద్భుతంగా తీశారు.
దేవర హిట్ కావడంతో జూనియర్ ఎన్టీఆర్ సైతం ఎంతో ఆనందం వ్యక్తం చేశారు. ముఖ్యంగా ఈ సినిమా చాలా మందికి లైఫ్ ఇచ్చిందని చెప్పొచ్చు. తన అన్న కళ్యాణ్ రామ్ నిర్మాతగా వ్యవహరించగా ఇటు జూనియర్ ఎన్టీఆర్ హీరోగా మరోసారి సత్తా నిరూపించుకున్నారు.జూనియర్ ఎన్టీఆర్ తో పాటు ఈ సినిమాకు మ్యూజిక్ అందించిన
అనిరుద్ నేరుగా తెలుగు సినిమాకు సంగీతం అందించి తన సత్తా చాటాడు. ఇప్పటివరకు అనిరుద్ ఎక్కువగా తమిళ్ లోనే సంగీత దర్శకత్వం చేస్తున్నాడు. ప్రస్తుతం డైరెక్ట్ గా తెలుగుకు షిఫ్ట్ అయ్యాడు. దేవర సినిమాలో బ్యాక్ గ్రౌండ్ మ్యూజిక్ అనిరుద్ ని మరో స్థాయికి తీసుకు వెళ్లింది.
బ్యాక్ గ్రౌండ్ మ్యూజిక్ ద్వారా దేవర సినిమాని అనిరుద్ హైలెట్ చేసినట్టు అనిపించింది. దీంతో ఫ్యాన్స్ పొగడ్తలతో ముంచెత్తుతున్నారు. నేరుగా తెలుగు సినిమాలు కూడా చేయొచ్చు అని అంటున్నారు. చుట్టమల్లే సాంగ్ తీర్చిదిద్దిన తీరుతో ఎంతో ఆనందం వ్యక్తం చేస్తున్నారు. దేవరతో అనిరుద్ కు హిట్టు పడడం ఆయన కెరీర్ ను మలుపు తిప్పుతుందని ఎన్టీఆర్ అభిమానులు చెబుతున్నారు. మొత్తం మీద తెలుగులో డైరెక్ట్ గా హిట్టు రావడంతో సంతోషం వ్యక్తం చేస్తున్నారు.