Love Me : ఏప్రిల్ లో దిల్ రాజు ‘లవ్ మీ’! దీని కోసం ఆ సినిమాలను సైడ్ చేసిన ప్రొడ్యూసర్!

Love Me

Love Me : ఈ రోజుల్లో హారల్, థ్రిల్లర్, ఇన్విస్టిగేషన్ తరహా సినిమాలు మాత్రమే వెండితెరపై ముద్ర వేసుకుంటున్నాయి. సాధారణ సినిమాలు రావడం.. ఎప్పుడు జరిగింది.. పోవడం ఎక్కడ జరిగిందో తెలియడం లేదు.. ఇక డిఫరెంట్ జానర్, మంచి కథ ఉంటేనే ప్రేక్షకులను థియేటర్ల వరకు రప్పించ గలుగుతున్నారు. అలాంటి సినిమా త్వరలో రిలీజ్ కాబోతోంది. ఆ సినిమా గురించి తెసుకునే ప్రయత్నం చేద్దాం.

‘లవ్ మీ: ఇఫ్ యూ డేర్’ విడుదల తేదీని మేకర్స్ అధికారికంగా ప్రకటించడంతో హారర్ థ్రిల్లర్ ప్రియుల్లో ఉత్కంఠత నెలకొంది. రొమాన్స్, హారర్ మేళవింపుతో తెరకెక్కిన ఈ చిత్రం ఏప్రిల్ 25న ప్రేక్షకుల ముందుకు రానుంది. ఆశిష్, వైష్ణవి చైతన్య హీరోహీరోయిన్లుగా నటించారు. ప్రముఖ దిల్ రాజు ప్రొడక్షన్స్ బ్యానర్ పై నూతన దర్శకుడు అరుణ్ భీమవరపు దర్శకత్వంలో తెరకెక్కిన ‘లవ్ మీ – ఇఫ్ యు డేర్’ కెమెరా ముందు, వెనుక అటు ఉన్నత ప్రతిభను కనబరిచింది.

ఇటీవల విడుదలైన ఈ టీజర్ మరెవరో కాదు సందీప్ రెడ్డి వంగా విడుదల చేశారు. ఆయన చేతుల మీదుగా ఈ సినిమా టీజర్ రిలీజ్ అవడంతో బ్యాక్ బోన్ ప్రచారంలాగా కనిపిస్తుంది. భయానకమైన సెట్టింగ్ నుంచి ఎంఎం కీరవాణి హాంటింగ్ సౌండ్ ట్రాక్ వరకు టీజర్ లోని ప్రతి అంశం మరచిపోలేని సినిమాటిక్ ఎక్స్ పీరియన్స్ ను సూచిస్తుంది. పీసీ శ్రీరామ్ సినిమాటోగ్రఫీ, హారర్, రొమాన్స్ ను ఫ్రెష్ గా మిక్స్ చేసే కథాంశంతో హర్షిత్ రెడ్డి, హన్సిత, నాగ మల్లిడి నిర్మించిన చిత్రం ‘లవ్ మీ – ఇఫ్ యూ డేర్’.