Trivikram
Trivikram : మాటల మాంత్రికుడు త్రివిక్రమ్ శ్రీనివాస్ తెలుగు హీరోలతో అనుకున్న ప్రాజెక్టులు పట్టాలెక్కడం లేదా అంటే అవుననే సమాధానం వినిపిస్తున్నది. అటు ఎన్టీఆర్ తో ఇటు అల్లు అర్జున్ తో త్రివిక్రమ్ కు మంచి అనుబంధం ఉంది. అదే సమయంలో స్టార్ హీరో విక్టరీ వెంకటేష్, సూపర్ స్టార్ మహేష్ బాబు తో మంచి బాండింగ్ ఉంది. ఇక పవర్ స్టార్ పవన్ కల్యాన్ తో ఉన్న అనుబంధం గురించి ప్రత్యేకంగా చెప్పాల్సిన పనిలేదు. అయితే వీరితో అనుకున్న సినిమాలు పట్టాలెక్కకపోవడంతో త్రివిక్రమ్ పరభాషా హీరోలపై దృష్టి పెట్టినట్లు తెలుస్తున్నది.
త్రివిక్రమ్ శ్రీనివాస్ మాటల రయితగా మంచి గుర్తింపు తెచ్చుకున్నాడు. తన అనుభవంతో డైరెక్టర్ గా మారాడు. తొలి సినిమా తరుణ్ తో చేసిన నువ్వే. నువ్వే యావరేజ్ అనిపించుకున్నా, అందులోని కొన్ని డైలాగులు త్రివిక్రమ్ పై నెగెటివ్ ఇంపాక్ట్ చూపాయి. దీనిని పట్టించుకోకుండా స్టార్ హీరో మహేష్ బాబు అవకాశం ఇవ్వడంతో అతడు సినిమా చేసి సూపర్ హిట్టు కొట్టాడు. అక్కడి నుంచి వెనుదిరిగి చూసుకోవాల్సిన పని లేకుండాపోయింది.
పుష్ప కు ముందు త్రివిక్రమ్ తో అల్లు అర్జున్ సినిమా చేయాల్సింది కానీ పట్టాలెక్కలేదు. పుష్ప-2 తర్వాత అనుకున్నా అదీ కార్యరూపం దాల్చేలా కనిపించడం లేదు. అదే సమయంలో ఎన్టీఆర్ తోనూ ఓ సినిమా చేయాల్సి ఉన్నా దేవర-2, వార్-2 లో తారక్ ఫుల్ బిజీ. ఇప్పట్లో కాల్షీట్లు దొరికేలా లేవు. మహేష్ బాబు రాజమౌళికి చిక్కాడు. మరో నాలుగేళ్లు మహేష్ బాబు ఎవరికీ అందుబాటులో ఉండడు. ఇక పవన్ కల్యాన్ ఎలాగూ పొలిటికల్ గా బిజీ అయ్యాడు. ఇప్పటికే సెట్స్ మీద మూడు సినిమాలు ఉన్నాయి. అవి పూర్తవ్వాలంటే మరో రెండేళ్లు ఆగాల్సిందే. దీంతో త్రివిక్రమ్ తన ప్రత్నామ్నాయాన్ని ఎంచుకున్నాడు.
దుల్కర్ చేస్తే సేఫ్ అనుకుంటున్నాడా.?
మలయాళ హీరో దుల్కర్ సల్మాన్ సౌత్ తో పాటు నార్త్ లోనూ రాణిస్తున్నాడు. మలయాళంతో సమానంగా తెలుగులో దుల్కర్ సినిమాలు ఆడుతున్నాయి. క్లాస్ హీరోగా పేరు తెచ్చుకున్న దుల్కర్ తో సినిమా చేస్తే అటు ఫ్యామిలి ఆడియన్స్ తో పాటు పాన్ ఇండియా స్థాయిలో గుర్తింపు తెచ్చుకోవచ్చని త్రివిక్రమ్ ఆలోచిస్తున్నట్లుగా తెలుస్తున్నది. దీంతో త్రివిక్రమ్ దుల్కర్ పై దృష్టి పెట్టినట్లు తెలుస్తున్నది. వీరిద్దరి కాంబినేషన్ లో ఓ సినిమా రాబోతున్నట్లు తెలుస్తున్నది.