Anchor Suma
Anchor Suma : భజే వాయు వేగం సినిమా ప్రమోషన్స్ లో భాగంగా సుమ అడ్డా షోకు హిరో కార్తికేయ, ఐశ్వర్య, డైరెక్టర్ ప్రశాంత్ హాజరయ్యారు. ఇందులో కార్తికేయ వేసిన పంచులకు సుమకు మైండ్ బ్లాక్ అయిపోయింది. సెలబ్రెటీల మీద పంచులు వేసే సుమకే కార్తికేయ చుక్కలు చూపించినంతా పని చేశాడు.
వచ్చిన సెలబ్రెటీల మీద పంచులతో ప్రాసలతో దాడి చేసే సుమకు గుక్కతిప్పుకోనీయకుండా చేశాడు. ఐపీఎల్ గురించి సుమ అడిగిన ప్రశ్నకు ఇచ్చిన సమాధానం హిరోయిన్ తో పాటు అక్కడున్న వారందరినీ నవ్వుల్లో ముంచేసింది. మేకప్ హిరోయిన్ వేసుకోలేదని.. మేకప్పే హిరోయిన్ కు వేసినట్లుందని నవ్వించాడు. దీంతో సెట్లో ఉన్న వాళ్లందరూ నవ్వుకున్నారు.
షో లో జ్యూస్ ఇచ్చి తాగమని సుమ అందరికీ చెప్తుంది. ఇది తాగడం వల్ల ఏం జరుగుతుందని సుమ ను అడుగుతాడు. కోరుకున్న కోరిక తీరుతుందని ఆమె చెప్పడంతో కార్తికేయ వింత కోరిక కోరతాడు. సుమ మీరు నా సినిమాకు నిర్మాత గా చేయాలని నా కోరిక అని అడగడంతో సుమ ఒక్కసారిగా అవాక్కవుతుంది. ఏంటీ ఇలాంటి కోరిక కోరడమా.. సుమను ఇంత వరకు ఇలాంటి కోరిక ఎవరూ కోరలేదు. ఒక సినిమాను నిర్మించడమంటే మామూలు విషయం కాదు అనేలా సుమ ఇచ్చిన ఎక్స్ ప్రెషన్స్ చూస్తే ఆమెకు దిమ్మతిరిగిపోయిందనే చెప్పాలి.
అయ్యో ఏమైంది సినిమాకు ప్రొడ్యూస్ చేయమని అన్నాను అని కార్తికేయ అంటాడు. అయితే సుమ కొడుకు రోషన్ ఇప్పటికే బబుల్ గమ్ సినిమాతో హిరోగా పరిచయం అయ్యాడు. ఈ సినిమా ఆశించినంత హిట్ సాధించలేకపోయింది. దీంతో సుమనే నిర్మాతగా మారి తన కొడుకుతో మరో సినిమా చేయాలని చూస్తున్నట్లు ఇండస్ట్రీ వర్గాల టాక్. యాంకర్ సుమగా అందరికీ సుపరిచితురాలైన ఆమె త్వరలో నిర్మాతగా కూడా మారనున్నట్లు తెలుస్తోంది. యాంకర్ గా సక్సెస్ అయిన సుమ త్వరలోనే నిర్మాతగా కూడా బారీ సక్సెస్ అందుకోవాలని ఫ్యాన్స్ కోరుకుంటున్నారు.