Fauji Budget : ఫౌజీ బడ్జెట్ ఆ హీరోతో వర్కౌట్ కాదనుకున్నాడా?

Fauji Budget

Fauji Budget : యంగ్ రెబల్ స్టార్ ప్రభాస్  బ్లాక్ బస్టర్లతో ఇండియన్ స్క్రీన్ మీద దూకుడు మీదున్నాడు. ఈ రెండు సినిమాల కలెక్షన్లతో  ఇండియన్ టాప్-1 హీరోగా ఎదిగాడు. కల్కి సినిమా  ప్రపంచ వ్యాప్తంగా  వెయ్యి కోట్లకు కొల్లగొట్టింది. ప్రస్తుతం ఇండియాలో అత్యధిక కలెక్షన్లు కొల్లగొట్టిన టాప్ -5 సినిమాల్లో మూడు రెబల్ స్టార్ ప్రభాస్ వి కావడం విశేషం.

ప్రస్తుతం ప్రభాస్ నాలుగు సినిమాలను లైన్ లో పెట్టాడు. ఇప్పటికే ఇందులో మూడు చిత్రాలు సెట్స్ మీద ఉన్నాయి. 2025 ఏప్రిల్ లో మారుతి రాజాసాబ్ విడుదల కానుంది. సలార్-2, కల్కి-2 కూడా షూటింగ్ కు సిద్ధంగా ఉన్నాయి. రీసెంట్ గా ప్రభాస్ హను రాఘవుడితో సినిమాకు కొబ్బరికాయ కొట్టాడు.రెగ్యులర్ షూటింగ్ సెప్టెంబర్ లో ప్రారంభం కానుంది. మరో వైపు సెన్షేనల్ డైరెక్టర్ సందీప్ రెడ్డి వంగాతో స్పిరిట్ సినిమాకు కమిట్ అయిన విషయం తెలిసిందే. బాలీవుడ్ దర్శకుడితో  ఓ సినిమా ఫైనల్ చేయాల్సి ఉంది.

ఇక ఇదిలా ఉంటే హను రాఘవపూడి తో చేయబోయే ఫౌజీ సినిమా ముందుగా ప్రభాస్ కోసం అనుకున్న కథ కాదని తెలుస్తున్నది. టాలీవుడ్ నాచురల్ స్టార్ నానితో హను రాఘవపూడి కృష్ణ గాడి వీర ప్రేమగాథ సినిమా చేసిన విషయం తెలిసిందే. సీతారామంతో హిట్ కొట్టిన హను నానితో పీరియాడికల్ లవ్ స్టోరీతో సినిమా చేయాలని ప్లాన్ చేశాడు.  దీంతో నానికి కథ చెప్పి ఒప్పించాడని, స్క్రిప్ట్ వర్క్ అయ్యాక చూసుకుంటే బడ్జెట్ పరిధి పెరిగిపోతుందని గ్రహించాడు హను. దీంతో ఇదే కథను ప్రభాస్ కు వినిపించగా రెబల్ స్టార్ గ్రీన్ సిగ్నల్ ఇచ్చాడని, వెంటనే సినిమా మొదలు పెట్టాడని టాక్. మరి హను రాఘవపూడి నానితో తీయాలనుకున్న సినిమాను ప్రభాస్ తో చేస్తున్నాడా? లేక మరో కథతో తీస్తున్నాడా అనేది క్లారిటీ లేదు. మరి దీనిపై హను రాఘవపూడి ఎలా స్పందిస్తాడో చూడాల్సిందే.