MS Dhoni
MS Dhoni : క్రికెట్ లవర్స్ ఆతృతగా ఎదురుచూసే ఇండియన్ ప్రీమియర్ లీగ్ (ఐపీఎల్) 2024 సీజన్ 17 ప్రారంభం అయ్యేందుకు మరికొన్ని రోజుల గడువు మాత్రమే ఉంది. మార్చి 22న సీజన్ ప్రారంభం కనుండగా.. ఈ సీజన్ పై ప్రపంచంలోనే ఒక ఉత్కంఠ కనిపిస్తుంది. 74 రోజుల పాటు సాగనున్న ఈ లీగ్ బిగ్గెస్ట్ క్రికెట్ టోర్నీగా చెప్పవచ్చు.
ఐపీఎల్ సీజన్-17 ఎడిషన్ త్వరలో ప్రారంభం కానుండడంతో డిఫెండింగ్ ఛాంపియన్ చెన్నై సూపర్ కింగ్స్ కేప్టన్ మహేంద్ర సింగ్ ధోని చెన్నైలో అడుగుపెట్టాడు. దీంతో ధోని అభిమానుల్లో ఉత్సాహం కనిపిస్తోంది. ఐపీఎల్ 2024లో కూడా ధోని CSKలో కీ రోల్ పోషించే అవకాశాలు ఉన్నాయి.
వికెట్ కీపర్ తో పాటు బ్యాట్స్ మన్ అయిన ధోని ఈ సీజన్ కోసం ఎంపికైన CSK ఇతర క్రికెటర్లతో కలిసి తాను కూడా శిక్షణ ప్రారంభించనున్నాడు. ఐపీఎల్ మొదలైనప్పటి నుంచి 5 సార్లు కప్పు దక్కించుకున్న CSKకు ఈ సీజన్లో కూడా ఆరో సారి టైటిల్ కొడతాం అన్న ధీమాలో ఉంది.
ధోని రాకను స్వాగతిస్తూ CSK ఫ్రాంచైజీ మహేంద్ర సింగ్ ధోని ఫొటోలు సోషల్ మీడియాలో పంచుకుంటూ ‘ఎ గిఫ్ట ఫర్ ద ఫ్యాన్స్’ అంటూ శీర్షిక పెట్టింది. ‘లీడర్ మళ్లీ తన రాజ్యానికి వచ్చాడు’ అంటూ పేర్కొంది. గతేడాది ఐపీఎల్ సీజన్ లో గుజరాత్ టైటన్స్‌పై గెలిచి, చెన్నై సూపర్ కింగ్స్ ఐదవసారి టైటిల్ ను తన ఖాతాలో వేసుకుంది. ఐపీఎల్ సీజన్ 17లో CSK-RCB మధ్య సీజన్ ప్రారంభ మ్యాచ్ ఉండనుంది.
సోషల్ మీడియాలో యాక్టివ్ గా లేని ధోని ఐపీఎల్ నేపథ్యంలో ‘కొత్త సీజన్ కొత్త పాత్ర కోసం ఎదురుచూస్తున్నా’ అని పోస్ట్ పెట్టడం ఆసక్తిని రేకెత్తించింది. సీజన్ 17లో ధోని ఏ పాత్ర పోషించబోతున్నాడు? అంటూ అభిమానులు చర్చించుకుంటున్నారు. మొత్తానికి లీడర్ ఎంట్రీ ఇచ్చారని సీఎస్కే సగర్వంగా ప్రకటించింది.
“A gift for the fans.” – THA7A FOREVER! 🦁💛#Dencoming #WhistlePodu pic.twitter.com/pg0Rmg54WR
— Chennai Super Kings (@ChennaiIPL) March 5, 2024