Dhanush : ధనుష్ కొత్త సినిమా ఆ టాప్ డైరెక్టర్ తో.. ఇక ప్రేక్షకులకు పండగే

Dhanush : తమిళ్ హీరో ధనుష్ కు తెలుగులో కూడా మంచి ఫాలోయింగ్ ఉంది. రఘువరన్ బీటెక్ సినిమాలో ఆయనకు తెలుగు ప్రేక్షకులు బ్రహ్మరథం పట్టారు. తమిళ సూపర్ స్టార్ రజినీకాంత్ అల్లుడిగా ఫిల్మ్ ఇండస్ట్రీకి పరిచయమైన ధనుష్ ఆ తర్వాత తాను చేసిన సినిమాల వల్ల సొంతంగా పాపులారిటీ సంపాదించుకున్నాడు. వైవిధ్యమైన కథలను ఎంచుకుని డిఫెరెంట్ రోల్స్ చేస్తూ ప్రేక్షకులను ఎప్పటికప్పుడు ఆశ్చర్యపరుస్తుంటాడు.

తాజాగా వచ్చిన ధనుష్ రాయల్ మూవీ పెద్దగా ఆకట్టుకోలేకపోయింది. ధనుష్ హీరోగానే కాకుండా డైరెక్టర్ గా, సింగర్ గా మంచి పేరు సంపాదించుకున్నాడు. ప్రస్తుతం తెలుగులో టాప్ డైరెక్టర్ శేఖర్ కమ్ముల దర్శకత్వంలో కుబేర అనే సినిమాలో నటిస్తున్నాడు. నేరుగా తెలుగు సినిమాలో నటించడం ధనుష్ కు ఇదే మొదటి సారి. రఘువరన్ బీటెక్ సినిమా ద్వారా ఆయన తెలుగు ప్రేక్షకులకు దగ్గరైన విషయం తెలిసిందే.

కాగా ఈ సినిమాలో ధనుష్ డిపెరంటె రోల్స్ పోషించనున్నట్లు తెలుస్తోంది. రియల్ గా, నాచురల్ గా నటించే శక్తి ఉన్న ధనుష్ కొన్ని ప్రత్యేకమైన క్యారెక్టర్లు చేసి తన సత్తా ఎంటో నిరూపించుకున్నాడు. తమిళ ఇండస్ట్రీలో రజినీకాంత్ అల్లుడిగానే కాకుండా ధనుష్ అంటే ఎవరో కూడా గుర్తుపట్టేలా చేసుకున్నాడు. కొలెవరీ సాంగ్ తో తాను ఏకంగా జపాన్ ప్రధాని ప్రశంసలు అందుకున్నాడు. ధనుష్ స్వీయ దర్వకత్వంలో వచ్చిన రాయన్ మూవీ కాస్త నిరాశకు గురిచేసినా ఇప్పటికే ఆయన చేసిన ఎన్నో సినిమాలు సూపర్ డూపర్ హిట్ లు అయ్యాయి.

ఇప్పటి వరకు కమర్షియల్ సినిమాలు చేయకుండా స్టార్ స్టేటస్ ను దక్కించుకున్న గొప్ప నటుల్లో ధనుష్ ఒకరు. తమిళ్ లో విజయ్, అజిత్, సూర్య లాంటి హీరోల తర్వాత ధనుష్ కూడా ప్రత్యేకమైన ఐడెంటిటీ సంపాదించుకున్నారు. కాగా తెలుగులో కుబేర తో మరోసారి హిట్టు కొట్టాలనే కసిగా ఉన్నట్లు తెలుస్తోంది. శేఖర్ కమ్ముల కూడా చాలా రోజుల నుంచి పెద్ద సినిమా చేయకుండా ఉండిపోయారు. ఈ సారి కొడితే కుంభస్థలమే అన్నట్లు ఇందులో  ధనుష్ పాత్ర కూడా వెరీ పవర్ ఫుల్ గా తీర్చిదిద్దుతున్నట్లు సమాచారం.