Kubera Teaser : మరో రెండు రోజుల్లో ధనుష్ ‘కుబేర’ టీజర్..!

Kubera Teaser

Kubera Teaser : నేషనల్ అవార్డ్ విన్నింగ్ డైరెక్టర్ శేఖర్ కమ్ములతో కలిసి ధనుష్ ‘కుబేర’ సినిమా చేస్తున్నాడు. ప్రస్తుతం సినిమా షూటింగ్ శరవేగంగా జరుగుతోంది. దీనికి సంబంధించి  తాజా షెడ్యూల్ ను గత వారం ముంబైలో ప్రారంభించింది చిత్ర యూనిట్.

తాజాగా ‘కుబేర’ అప్ డేట్ మే 2న విడుదల చేయనున్నట్లు చిత్ర బృందం ప్రకటించింది. మే 2న టీజర్ ను విడుదల చేసే అవకాశం ఉంది.

ఇద్దరు నేషనల్ అవార్డ్ విన్నింగ్ స్టార్స్ ధనుష్, శేఖర్ కమ్ముల కాంబోలో రూపొందుతున్న ఈ చిత్రం తెలుగు, తమిళ, హిందీ భాషల్లో విడుదల కానుంది. కుభేరలో ధనుష్ కు జంటగా నేషనల్ క్రష్ రష్మిక మందన్న నటిస్తుంది.

ధనుష్ హీరోగా ఎస్‌జె సూర్య, నిత్యామీనన్, సందీప్ కిషన్, కాళిదాస్ జయరామ్, దుషారా విజయన్, అపర్ణ బాలమురళీ, సెల్వరాఘవన్, శరవణన్ తదితరులు ప్రధాన పాత్రల్లో తెరకెక్కిన చిత్రం ‘రాయన్’. ధనుష్ తదుపరి విడుదలకు సంబంధించిన పోస్ట్ ప్రొడక్షన్ పనులు చాలా కాలంగా జరుగుతున్నాయి, త్వరలోనే ఈ చిత్రం విడుదల తేదీని నిర్మాతలు ప్రకటించే అవకాశం ఉంది.

చాలా కాలం తర్వాత శేఖర్ కమ్ముల ఈ మూవీతో తెలుగు ఆడియన్స్ ముందుకు రానున్నారు. ఫస్ట్ సినిమా నుంచే సినిమాల్లో డిఫరెంట్ ట్రెండ్ సెట్ చేస్తున్నాడు శేఖర్ కమ్ముల. ప్రతీ సినిమా ఒక కళాఖండంలా తీయడం ఆయనకే చెల్లిందని చెప్పాలి. ఇక ధనుష్ గురించి ప్రత్యేకంగా చెప్పక్కర్లేదు. తమిళ స్టార్ అయిన ధనుష్ తెలుగులోనూ ఫాలోవర్స్ ను పెంచుకోవడంలో సక్సెస్ అయ్యాడు. డబ్బింగ్ సినిమాలతోనే టాలీవుడ్ లో మంచి మార్కెట్ సంపాదించుకున్నాడు.