Captain miller:హీరో ఫోజులు స‌రే.. పాన్ ఇండియా హిట్ ఎప్పుడు?

Captain miller:స్టార్ హీరో ధ‌నుష్‌కి ఇటు ద‌క్షిణాది అటు ఉత్త‌రాది రెండు చోట్లా భారీ ఫాలోయింగ్ ఉన్న సంగ‌తి తెలిసిందే. రాంజానా లాంటి బ్లాక్ బ‌స్ట‌ర్ తో నార్త్ లో అభిమానుల‌ను సంపాదించుకున్నాడు ధ‌నుష్‌. ఇటీవ‌ల హాలీవుడ్ క్రేజీ మూవీలోను న‌టించాడు. కానీ అత‌డు పాన్ ఇండియాలో భారీ బ్లాక్ బ‌స్ట‌ర్ ని అందుకోవ‌డంలో త‌డ‌బ‌డుతున్నాడు. ధ‌నుష్ త‌న రేంజును విస్త‌రించ‌డంలో ఆశించిన ప్ర‌గ‌తిని సాధించ‌క‌పోవ‌డం ఒక లోటు.

అయితే ఈలోటును పూడ్చేందుకు ఇప్పుడు అత‌డు కెప్టెన్ మిల్ల‌ర్ లాంటి ప్ర‌యోగాత్మ‌క చిత్రంతో వ‌స్తున్నాడు. ఈ సినిమా 2024 సంక్రాంతి కానుక‌గా తెలుగు-త‌మిళం-హిందీలో భారీగా విడుద‌ల కానుంది. అరుణ్ మాధేశ్వ‌రం ద‌ర్శ‌క‌త్వం వ‌హించిన ఈ సినిమా క‌థాంశం ఆస‌క్తిక‌రం. ప్ర‌తినాయ‌క ఛాయ‌లున్న ఒక యువ‌కుడు త‌న జీవితంలో తీసుకున్న నిర్ణ‌యాల‌తో ఎలాంటి ఒడిదుడుకులు ఎదుర్కొన్నాడు? అత‌డి ల‌క్ష్యం ఏమిట‌న్న‌దే ఈ సినిమా.

తాజాగా ఈ మూవీ ట్రైల‌ర్ ని రిలీజ్ చేస్తున్నామ‌ని ధ‌నుష్ స్వ‌యంగా ఎక్స్ (ట్విట్ట‌ర్)లో ప్ర‌క‌టించాడు. బైక్ పై కెప్టెన్ మిల్ల‌ర్ స్టైలిష్ ఫోజ్ ఇచ్చిన ఫోటోని షేర్ చేసాడు. ప్ర‌స్తుతం ఈ ఫోటోగ్రాఫ్ అంత‌ర్జాలంలో వైర‌ల్ గా మారింది. అయితే ఈ ఫోజులు స‌రే కానీ, పాన్ ఇండియా రేస్ లో ఆశించిన హిట్టు కొట్టేది ఎప్పుడు? అంటూ అభిమానులు ప్ర‌శ్నిస్తున్నారు. ధ‌నుష్ కెరీర్ లో 50వ సినిమా ఇది. త‌దుప‌రి శేఖ‌ర్ క‌మ్ముల ద‌ర్శ‌క‌త్వంలో ధ‌నుష్ 51లో న‌టించ‌నున్నాడు. ఈ సినిమాని పాన్ ఇండియా కేట‌గిరీలో తెర‌కెక్కించ‌నున్నారు. వ‌చ్చే ఏడాది ఫిబ్ర‌వ‌రిలో సెట్స్ పైకి వెళ్ల‌నుంద‌ని స‌మాచారం.