Devara VS DJ Tillu : ‘దేవర’ ని లెక్క చెయ్యని ‘డీజే టిల్లు’.. మండిపడుతున్న ఫ్యాన్స్!

Devara VS DJ Tillu and Pusha

Devara VS DJ Tillu : #RRR వంటి భారీ బ్లాక్ బస్టర్ తర్వాత ఎన్టీఆర్ కి గ్లోబల్ వైడ్ గా మంచి క్రేజ్, ఫాలోయింగ్ ఏర్పడిన సంగతి తెలిసిందే. కొమరం భీం క్యారక్టర్ జనాల మనసులకు ఆ రేంజ్ లో దగ్గరైంది. తొలిసారి ఎన్టీఆర్ తనకి ఉన్న మాస్ ఇమేజి, ఫాలోయింగ్ అన్నిటినీ పక్కన పెట్టి చేసిన చిత్రమిది. ఈ సినిమా తర్వాత అయన కొరటాల శివ తో ‘దేవర’ అనే చిత్రం చేస్తున్నాడు. గత ఏడాది నుండి ప్రారంభమైన ఈ సినిమా, దాదాపుగా షూటింగ్ కార్యక్రమాలను మొత్తం పూర్తి చేసుకుంది.

ఈ సినిమా ఈ ఏడాది ఏప్రిల్ 4 వ తారీఖున ప్రపంచవ్యాప్తంగా గ్రాండ్ గా విడుదల కాబోతుంది. అంత పెద్ద సినిమా విడుదల అవుతున్నప్పుడు చిన్న సినిమాలు సాధారణంగానే విడుదల అవ్వవు. ఎందుకంటే స్టార్ హీరోల సినిమాలు వచ్చినప్పుడు చిన్న హీరోల సినిమాలను అసలు పట్టించుకోరు. కానీ ఒక చిన్న హీరో మాత్రం ఎన్టీఆర్ తో తలపడేందుకు సిద్ధం అయిపోయాడు.

అతను మరెవరో కాదు, సిద్దు జొన్నలగడ్డ. చిన్న క్యారెక్టర్స్ చేసుకుంటూ ఇండస్ట్రీ లో నెట్టుకొచ్చిన సిద్దు, డీజే టిల్లు చిత్రం తో భారీ బ్లాక్ బస్టర్ హిట్ ని అందుకొని యూత్ లో మంచి క్రేజ్ ని సంపాదించుకున్నాడు. ఇప్పుడు ఆయన డీజే టిల్లు సీక్వెల్ తో మన ముందుకు రాబోతున్నాడు. ‘టిల్లు స్క్వేర్’ పేరుతో తెరకెక్కుతున్న ఈ చిత్రాన్ని మార్చి 31 వ తేదీన విడుదల చేసేందుకు సిద్ధం అవుతున్నారు మేకర్స్. ‘గుంటూరు కారం’ నిర్మాత వంశీ ఈ చిత్రాన్ని నిర్మిస్తున్న సంగతి తెలిసిందే. అనుపమ పరమేశ్వరన్ హీరోయిన్ గా నటిస్తున్న ఈ సినిమాకి సంబందించిన పాటలకు మంచి రెస్పాన్స్ వచ్చింది.

సోషల్ మీడియా లో ఎక్కడ చూసినా ఈ పాటలను ప్రతీ సందర్భంలో వాడేస్తున్నారు అంటేనే అర్థం చేసుకోవచ్చ, యూత్ ని ఏ రేంజ్ లో అలరించిందో. అయితే ఇప్పుడు ఎన్టీఆర్ సినిమా కి పోటీ గా దిగబోతుండడం ఇప్పుడు హాట్ టాపిక్ గా మారింది. ఈ సంక్రాంతికి ‘హనుమాన్’ చిత్రం ‘గుంటూరు కారం’ ని డామినేట్ చేసినట్టు గా, ఎన్టీఆర్ దేవర చిత్రాన్ని ‘టిల్లు స్క్వేర్’ డామినేట్ చేస్తుంది అనే నమ్మకం తోనే ఆ డేట్ లో విడుదల చేస్తున్నారా?, లేదా ఏప్రిల్ 4 వ తేదీన దేవర రాదు అనే ధైర్యం తో విడుదల చేస్తున్నారా అనేది తెలియాల్సి ఉంది.